مە بینەرێ خوە یێ شانۆیێ یێ جاران ژ دەست نەدایە
هەرهین محەمەد:
رزگار عەبدوللا، رێڤەبەرێ هونەرێ شانۆیێ ل دهۆكێ دیدارەكێ دا بۆ بەرپەرێ هونەری یێ رۆژنامەیا ئەڤرۆ گۆت: ژ بزاڤ و چالاكێن رێڤەبەریا گشتی یا رەوشەنبیری و هۆنەری ل دهۆكێ رێڤەبەری یا هۆنەرێ شانۆیێ د بەرنامێ مە دا بوو د ئەوان شەش هەیڤێن نیڤا ئەڤ سالە چەندین شانۆگەری بهێنە نیشادان و هەروەسا ژڤانە ل 27/28 هەیڤا یازدە شانوگەریەكا دی ژلایێ تیپەكا دی یا هونەرێ شانویێ بهێنە نیشادان و دێ بۆ دەمێ دوو رۆژان یا بەردەوام بیت و بەری ڤی دەمی ژی هەشت شانۆگەریێن دی هاتینە نیشادان و پشكداری فیستەڤالێن وانێ و دیاربەكر و چەمچەمال و نەجەف بووینە كو شیان ب چەندین خەلاتان ڤەگەرنە پارێزگەها دهۆكێ و ل سالا بهێت ژی دێ مە بەرنامە هەبیت كو بینەرێ خوە یێ شانۆیێ ڤەنەقەتینین ژ نیشادانێن شانۆیێ ب تایبەت بۆ ئەوان گەنجان كو دبیتە كارێ ئێكێ، یان یێ دویێ یێ كارێ شانۆیێ، چونكو د پەیرەو و پروگرامێ مە دا ئەم پتر شیانێن گەنجان بینە پێش ژ هەر دو رەگەزان و ژڤانە ل سالا بهێت دەرهێنەرێن ژن ژی پشكداربن.
ناڤهاتی زێدەتر گۆت ژی: هەتا نوكە شانۆیێ بینەرێ خوە یێ جاران ژدەست نەدایە، بەلێ هەكە نیشادانا شانۆیێ چەند رۆژ بن ل ئەوی دەمی بینەر ب كەیفا خوە و ل دووڤ كاودانێن خوە دێ رۆژەكێ هەلبژێریت و ژبۆ تەماشەكرنا نیشادانا شانۆیێ، بەلێ هەكە نیشادانا شانۆیێ ئێك رۆژ بیت سەرجەمێ ئەوان چەند رۆژان د رۆژەكێ دا كۆمڤە دبیت و جه ژی نامینیت ل هۆلا جزیری، بەلێ ل دهۆكێ وەكو هۆلێن ستاندار یێن شانۆیێ مە نین و هەكە بهێنە چێكرن دێ گەلەك باشتر بیت، چونكو هۆلێن شانۆیێ دەستنیشانكرینە و ژ هەموو هۆلێن دی جودانە و ژبەر كو رۆژانە دهۆك یا بەرفرەه دبیت ئەم پێدڤی سێ هۆلێن دی یێن شانۆیێ نە و ل دووڤ ستانداردێن جیهانی بهێنە چێكرن و نوكە مە هۆلا پەیمانگەها هونەرێن جوان هەیە ئەو هۆلە یا باشە بۆ پرۆژە و راهێنانێن قوتابیان، بەلێ بۆ نیشادانێن مەزن یێن شانۆیێ هۆلەكا وەكو یا محەمەد عارفێ جزیری یا باشە.
رزگاری ئەو چەندە ژی گۆت: مە تیپا شانۆیا سەر جادێ هەیە و هەروەسا مە شانۆگەریا سەر جادێ ژی یا هەی و پشكداری دچەندین فیستەڤالان بووینە ل دەربەندیخان و خەلات ژی مە ب دەست خوە ڤە ئیناینە و مەتیپ و ئەكتەر و دەرهێنەرێن باش ژی هەنە و ژ بۆ پێشكێشكرنا شانۆیا سەرجادێ و دەمێ ئەوێ كێمترە ژ ئەوێ شانوگەریا دناڤ هولێن دا دهێتە نیشادان و شانۆ نامەكێ دگەهینت و چو جاران مە ئەو ئاستەنگ نەبووینە و ئەڤە حەفت هەیڤە من پوستێ رێڤەبەریا هونەرێ شانویێ وەرگرتی و ئەو شانوگەرێن دئەوی دەمێ بوری دا هاتینە نیشادان هەموو ب دلێ بینەران بووینە سەرەرایی ڤێ چەندێ مە چو ئاستەگ نەبووینە و چ جهێن پەیوەندی دار ژی نەگۆتیە بۆچ ئەڤ دیمەنە دشانویێ دا هاتیە نیشادان، یان بۆچی ئەڤ ئاخفتنە هاتیە گۆتن، شانۆ ژبەركو نامەكە دگەهینت و دەربرینەكە و خەلك یێ تێدا و دەرهێنەرو ئەكتەرێن مە ئەو گڤاشتنە ل سەر نینە كو دەقەكێ شانۆیێ پێشكێش نەكەن و مە دەرهێنەر هەبوویە دەقێ شانۆیێ نڤیسایە و دەرهێنەری ژی تێدا كریە.
