مە دڤێت رژێما ئیرانێ بگوهۆڕین
سەرۆکێ ئەمریکا د داخویانیەکێ دا بۆ دەزگەهێن راگەهاندنا ئەمریکا دیار کر، وان دڤێت ل گەل ئیرانێ ب رێیا دانوستاندنان بگەهنە ئەنجامەک باش، لێ هەکە تەهران ئاریشەیان دروست بکەت بێگومان دێ ئەمریکا یا پێدڤی ل دژی ئیرانێ کەت و ب هەر رەنگێ هەی ئەمریکا دڤێت رژێما نها یا ئیرانێ نەمینیت و گوهۆڕینا دەستهەلاتا زۆردار یا ئیرانێ د بەرژەوەندیا هەموو ئالیان دایە و ئەمریکا دڤێت تشتەک وەسا بهێتە کرن.
ل ئالیێ دی رۆژنامەیا نیویورک تایمز ژی دی راپۆرتەکێ دا دیار کر، ئەمریکا هژمارەک زێدە فرۆکەیێن F35 رەوانەی رۆژهەلاتا ناڤین کرینە و هەکە دانوستاندن ل گەل ئیرانێ نەگەهنە چو ئەنجامەکێ وی دەمی دێ ئەمریکا یا پێدڤی ل دژی ئیرانێ کەت، ئەمریکا دڤێت ب ئێرشەکا سنوردار رژێما نها یا ئیرانێ ژناڤ ببەت دا خەلکێ ئیرانێ بشێن ب دەنگدانێ دەستهەلاتەکا نوو و دیموکرات بۆ خوە دیار بکەن.
