مە دڤێت پەیوەندیێن کوردان و شامێ باشتر لێ بهێن
گیێر پیدەرسن نوونەرێ تایبەت یێ نەتەوەیێن ئێکگرتی بۆ کاروبارێن سووریێ دیار کر، رێککەفتنا ڤێ دووماهیێ یا د ناڤبەرا هێزێن سووریا دیموکرات و شامێ دا پێنگاڤەک گەلەک باشە و وەکو نەتەوەیێن ئێکگرتی ئەو پشتەڤانیێ ل باشبوونا پەیوەندیێن کوردان و شامێ دکەن و نها پێشڤەچوونێن باش د ناڤبەرا هەر دو ئالیان دا هەنە.
نوونەرێ تایبەت یێ نەتەوەیێن ئێکگرتی بۆ کاروبارێن سووریێ ئەو یەک ژی دیار کر، بۆ وان گەلەک گرنگە کورد و پێکهاتەیێن دی یێن ل سووریێ د ئاڤاکرنا دەولەتا نوو یا سووریێ دا خودان رۆلەک مەزن بن و د رێڤەبرنا وەلاتی دا پشکدار بن و دڤێت بەرپرسێن شامێ ژی گرنگیەکا مەزن بدەنە کوردان و پێکهاتەیێن دی یێن ل سووریێ، چونکی ئەزموونا چەندین سالێن بۆری ل سووریێ سەلماندیە کو پێدڤیا وی وەلاتی ب سیستەمەک دیموکراتی هەیە کو هەموو وەلاتیێن سووریێ بشێن تێدا ب ئارامی بژین، ژ بەر ڤێ یەکێ ژی بێی پشکداریا هەموو پێکهاتەیێن ل سووریێ رەوشا وی وەلاتی ئارام نابیت.
