مە مۆلەتا ٤٠٤ پرۆژەیێن وەبەرهێنانێ ب سەرمایا زێدەتری 17 ملیار دۆلاران دایە
ئەمیر ئەترووشی:
سەرۆكێ دەستەیا وەبەرهێنانا هەرێما كوردستانێ راگەهاند، ل ساڵا بوریدا پرۆژێن جور ب جور هاتینە بجهئینان و زێدەترین وەبەرهێنانێن سەرەكی ژی د كەرتێ چاندنێ و پیشەسازیێ دا هاتینە كرن و گۆت: د سالا بەرێدا چەندان بەرهەمێن ناڤخۆیێن كوردی ژ بۆ وەلاتێن رۆژهەلاتا ناڤین و چەند وەلاتەكێن ئەوروپا هاتنە هناردەكرن، هەمی ژ وان بەرهەمێن ناڤخۆیێن كوردستانێ بوون.
د. محەمەد شوكری، سەرۆكێ دەستەیا وەبەرهێنانا حوكمەتا هەرێما كوردستانێ بۆ رۆژناما ئەڤرۆ گۆت: د كابینەیا نەها حوكمەتا هەرێما كوردستانێ مە مۆلەت ب 404 پرۆژێن وەبەرهینانێ داینە ب سەرمایا زێدەتری 17 ملیار دۆلاران.
ل دۆر ئامارا دەستەیا وەبەرهێنانێ هاتیە دیاركرن كۆ ئەو پرۆژێن سالا بۆری هاتینە جهئینان 9 پرۆژە بووینە سێ ژ وان ل هەولێرێ بووینە و سێ پرۆژە ژی ل دهۆكێ و دو پرۆژە ل سلێمانیێ و ئێك ژی ل زاخۆیێ.
ئاشكراژی كر، هەر چەندە د كابینەیا نەها حوكمەتا هەرێما كوردستانێ تووشی گەلەك ئالنگاریان بوو، ژ وان ژی ئاریشەیێن ناڤخۆ و جیهانی و نەخۆشیا كۆرۆنایێ و نەدانا موچەیێن فەرمانبەرێن هەرێما كوردستانێ ژ لایێ بەغداڤە، لێ سەربارێ ڤێ چەندێ ژی مەسرور بارزانی سەرۆكێ حوكمەتا هەرێما كوردستانێ بەردەوام بوویە ژ بجهئینانا چاكسازیان سەر فەرمانا جەنابێ وان گرنگیەكا زۆر ب بلند كرنا ئاستێ چاندن و پیشەسازیێ هاتیەدان.
وەكی یا دیار ژی د سالا بەرێدا چەندان بەرهەمێن ناڤخۆیێن كوردی ژ بۆ وەلاتێن رۆژهەلاتا ناڤین و چەند وەلاتەكێن ئەوروپا هاتنە هناردەكرن، هەمی ژ وان بەرهەمێن ناڤخۆیێن كوردستانێ بوون.
سەرۆكێ دەستەیا وەبەرهێنانێ گۆت: مە پێنگاڤێن باش هاڤێتینە دا كو ژێرخانا ئابوریا كوردستانێ بهێتر بكەین و زێدەتر وەبەرهینانێ د سەكتەرێن جودا جودادا بكەین.
