مە گەلەك مەدیاكارێن زیرەك هەنە لێ نەشێن ببنە پێشكێشكار
سندس سالح سلێڤانەیی:
پێشكێشكار (ئۆمێد سامی) د دیدارەكێ دا بۆ رۆژنامەیا ئەڤرۆ گۆت: پێشكێشكاری كارەكە كو دڤێت مرۆڤ خوە تێدا ببینیت و حەزژێ بكەت و ب دیتنا من چەند یێ زیرەك بیت پێدڤیە بێژیت هێشتا یا مای و بەردەوام نوویاتیان د كارێ خوە دا بكەت، چنكو مە گەلەك مەدیاكارێن زیرەك هەنە، لێ نەشێن ببنە پێشكێشكار.
هەروەسا گۆت: من پشكا مەدیایێ ب دووماهی ئینایە و ئەز ماموستایێ مەدیایێ مە، من دیت پێشكێشكاری كارەكە ئەز خوە تێدا بینم لەورا من دەستپێكری و بەری وێ ژی من پشكداری د چەند بەرنامەیان دا كربوو، لێ بۆ جارا ئێكێ من پێشكێشكاری كری برگەیا من یا كەنالێ وار بوو، پاشان بوومە پێشكێشكارێ بەرنامەیێ (رۆژ باش) ل هەمان كەنال.
ل دووماهیێ گۆت: هەركارەكێ مرۆڤ بكەت، هەلبەت ل دەستپێكێ دێ یێ ب زەحمەت بیت، لەورا دەستپێكا من ژی هندەك رەخنەیێن كێم ل كارێ من ژی هاتنە گرتن، پاشی ب بۆرینا دەمی چارەسەربوون، بۆ زانین من گەلەك تێبینی و تەكنیك یێن ژ پێشكێشكارێن بیانی وەرگرتین كو بۆ من بووینە جهێ مفایێ و ئەز گەلەك شانازیێ برگەیێن خوە یێن سۆشیال مەدیایا وار دبەم و بۆ پاشەرۆژێ ژی مە هندەك پلان و بەرنامە هەنە، لێ هەتا دەمێ گونجای دهێت.
