نابیت دەستكاری د جلكێن كوردی دا بهێتە كرن
سولین سلێمان:
كەتی رەحیم، دیزاینەرەكا خەلكا سلێمانیێ یە، ژیێ وێ (21) سالن، دەمەكە خۆلێن فێركرنا دیزاینا جلكێن ئافرەتان بۆ كچ و ژنان ڤەدكەت و ب گۆتنا وێ هەتا نوكە گەلەك كەس فێری وی كاری بووینە و هندەك ژوان داهاتەكی بۆ مالێن خوە پەیدا دكەن.
ناڤهاتیێ گۆت: نوكە خواستا خانمان بۆ فێربوونا دیزاینێن جلكێن ئافرەتان زێدەتر لێ هاتیە، ئەز گەلەك ب هاتنا وان كەیفخۆش دبم، چنكو هەتا رادەكی دشێم دەلیڤێن كاری بۆ ڤەكەم و بەری هەر تشتەكی ئەز دبێژمە وان هەكە ئەڤ كارە ب زەوقی ڤە گرێدایە و هەكە هەوە زەوق ل سەرهەبیت دێ شێن زوو فێربن و دیزاینێن جوان چێكەن و ب دیتنا من مفا وەرگرتن ژ دیزاینێن بیانی تشتەكێ نۆرمالە، لێ نابیت جلكێن مە یێن كوردی وەك كلتۆر دەستكاری تێدا بهێتە كرن دا رەسەنایەتیا خوە ژ دەست نەدە.
