نابیت مۆبایل ل ڤان جهان بهێتە دانان
گەلەك كەس ئالوودەیێن ب كارئینانا مۆبایلێ نە و دگەل خوە دبەنە هەموو جهەكی، بێی كو ئاگەهداربن كو ئەڤە مەترسیێ ل سەر ساخلەمیا وان دروست دكەت.
مالپەرێ “الوطن” چەند جهەك دەستنیشانكرینە كو نابیت مۆبایلێن خوە تێدا بدانن، ئەوژی پێكهاتینە ژ ئەڤێن ل خوارێ:
-1 بەریك دەمێ مۆبایلا تە كاردكەت یان ب وایەرلێسەكێ ڤە بیت و تە د بەریكا خوە دا دانابیت دو بۆ حەفت جارا پتر ژ دەمێن دی تیشكێن وێ بەر شانێن لەشێ تە دكەڤن، ئەڤ تیشكە دبیت ببنە ئەگەرێ پەنجەشێرێ و نەزۆكیێ ل دەف زەلامان.
-2 ل سەر جهێ نڤستنێ یان ل بن بالیفكێ دا: دبیت مۆبایلا تە گەرمببیت و مەترسییا ئاگربەربوونێ دروست بكەت، ب تایبەت دەمێ ب كارەبێ ڤە یان كێشە تێدا هەبن، ژبلی ڤان هۆكارا و تیشكێن وێ كو ئەگەرێ تووشبوونێ ب پەنجەشێرێ زێدەدكەن، ئەو تیشكێن كو ل شاشەیا LED دەردچن نڤستنا تە تێكددەن.
-3 هێلان ب كارەبێ ڤە: ئەگەرێ مەترسیێ ئەو نینە كو مۆبایلا تە زێدەتر ژ پێدڤیێ شەحن ببیت، بەڵكو ئەگەر هەیە گەرم ببیت و مەترسیا ئاگربەربوونێ دروستبكەت.
-4 نێزیكی دێمێ خوە: دەمێ بۆ دەمەكێ درێژ مۆبایلا خوە ددانی بەر دێمێ خوە بەكتریا ب مۆبایلا تە دهێنە ڤەگۆهاستن بۆ پیستێ تە، ئەڤە دبیتە ئەگەرێ خوریان و سۆربوونا پیستی، هەتا دبیتە ئەگەرێ چرچوونا پیستی.
-5 داشبۆردێ ترۆمبێلێ: دەمێ مۆبایلا خوە دناڤ داشبۆردێ ترۆمبێلێ دا دهێلی، پلەیا گەرمێ ناڤ ترومبێلا تە زیانێ دگەهینیت مۆبایلێ، ئەگەر گەرم ببیت ئەگەرێ ئاگركەفتنێ دروست دبیت و ئەگەر سار بیت ژی پاتریا مۆبایلا تە تێكدچیت.
-6 تەوالێت و سەرشوو: تەوالێت ب گشتی یا پرە ژ بەكتریا، ئانكو پترین بەكتریا پێڤە دنووسن و پاش ددانیە بەر گوهێ خوە، د سەرشوویێ دا ئەگەر هەیە تووشی شۆكا كارەبێ ببی، ئەڤەژی ئەگەر مۆبایلا تە بەری هینگی تێكنەدابیت.
