نابیت پێشكێشكار ژ كامیرێ شەرم بكەن
سندس سالح نهێلی:
مەدیاكار (سابر محسن) د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا من حەزژ كارێ پێشكێشكاریێ دكر و ل 2014 دەلیڤە بۆ من هات و من بەرنامەیێ (تەكسی خەلات) ل كەنالێ (TRT KURDI) و هەتا (2017) ئەز یێ بەردەوام بوون و ل گەل ڤەبوونا كەنالێ (ATV) وەك پێشكێشكار ئەز بەردوام بووم و هەتا نوكە من هژمارەكا بەرنامەیان پێشكێشكرینە و دێ یێ بەردوامبم و هەر بەرنامەیەكێ من پێشكێشكری ئەز شانازیێ پێ دبەم، چنكو هەتا رادەیەكێ باش خەلك یێ ژێ رازی بوو.
هەروەسا گۆت: ب راستی ژی د كارێ خوە یێ پێشكێشكاریێ من چو ئاستەنگێن وەسا نەدیتن، بتنێ ئامادەكرن پیچەك یا ب زەحمەت بوو، لێ ژبەركو من گەلەك حەزژ كارێ خوە دكر هەر زوو هاتنە چارەسەركرن، بۆ زانین من ژی رۆژەكێ ژ رۆژا دڤیا من بەرنامەیەك هەبیت و ئەز بشێم شیانێن خوە تێدا دیاربكەم، هەروەسا دلێ خەلكەكی ژی خۆش بكەم و هەردەم ئەز دبێژم نابیت پێشكێشكار ژ كامیرێ شەرم بكەن دا بشێن ئەو تشتێ ڤێ هەی ب دروستی بگەهینن، چنكو هەكە شەرمكر ئەو تشتێ ڤێ هەی نەشێت ب دروستی بگەهینیت، هەلبەت وەكو پێشكێشكارەك ژی بۆ پاشەرۆژێ ژی من ئارمانج هەنە و پلان ژی بۆ داناینە، بەلێ هەر تشتەك دێ د وەختێ خوە دا هێت.
