نابیت گەنج دەرمانان بێی نۆشداری بۆ پرسکا ب کاربینن
د.فؤاد عبدالوهاب جمیل، تایبەتمەندێ نەخۆشیێن پیستی دیارکر پرسکێن گەنجاتیێ (حب الشباب) نەخۆشیەکا پیستی یا بەربەلاڤە، و بەهرا پتر د ژیێ 13 تا 25 پەیدادبیت، و دبیت بەری و پشتی ڤان ژیان ژی دیاربیت، و ل دەف هەردو رەگەزان پەیدا دبیت، وگوت: ئەگەرێن پەیدابوونا ڤان پرسکێن گەنجاتیێ دوهنێ ڤان جهان یێ زێدەیە، یان ژبەر تێکچوونا هۆرمونێن ژنان بن دکێم یان زێدەبن، هندەک جاران دەرمانێن کورتیزون ژی دبنە ئەگەرێ پەیدابوونا پرسکێن گەنجاتیێ، چ دەرزیک بن یان حەب، ب رێیێن نەدروست ب نەخۆشان بهێنەدان، وگوتژی: پیستی مرۆڤ سێ تەبەق هەنە، جهێ می لێ دەردکەڤیت دوهن لێ هەیە، ل دەف هندەک نەخۆشان ئەو دوهن زێدەدبیت، و رێیا دوهنی دهێتە گرتن و ل بن چەرمی کوم دبت، هندەک جاران دبیتە هەودان ل وان بەکتریادا، و دبنە پرسکێن سور ل سەر چەرمی، و هندەک جاران سەرێ وان پرسکان سور دبیت، هندەک جاران دبنە کیس، و ئەف پرسکە ل سەرۆچان و سنگی و ل پشت و ملاژی پەیدا دبن.
د.فؤاد عبدالوهاب جمیل دیارکر ژی گەلەک رێ هەنە بو چارەسەریا پرسکێن گەنجان، ژوان پێدڤیە نۆشداری تایبەتمەندێ پیستی ببینیت، و قوناغێن حالەتێ وی بهێنە دەستنیشانکرن، و چارەسەریێ ل دوف پێدڤیا وی بدەتێ، چونکو هندەک حالەت پێدڤی ب حەبێن بهێزن، وگۆت: ئەو گەنجێن پرسک هەبن پێدڤیە ب زووترین دەم سەرەدانا نۆشداریێ تایبەتمەندێ پیستی بکەت، و قوناغێن حالەتێ وی دەستنیشان بکەت، ئەگەر حالەتێ وی یێ دژوار نەبیت، پێدڤی ب ملحەمەکی بیت، و گۆتژی: ئەگەر حالەتێ وی یێ دژوار بو، پێدڤیە پشکنین بوبهێنەکرن، و دبیت پێدڤی ب هندەک حەبێن تایبەت بیت، لێ بێ پشکنین نابیت بدەنێ بت.
د.فؤاد عبدالوهاب جمیل زێدەتر گۆت: نابیت بێ نۆشدار چ جورێن چارەسەریا بهێنە بکارئینان، و رێنمایێن نۆشداری بەرچاف وەرگریت، چونکو کێم بکارئینان و ئیهمالکرن نەیا باشە، و ئەو کەسێن پرسکێن گەنجاتیێ هەبن پێدڤیە هەر فەترە فەترە نۆشدار ببینت.
