ناتۆ: بەردەوامیا شەڕی دێ رۆسیا تووشی قەیرانەکا مەزن کەت
ئەڤرۆ
بەرپرسەکێ بلند یێ ناتۆیێ دا راگەهاند نها زیانێن رۆسیا د شەرێ ل ئۆکرانیایێ دا رۆژ ب رۆژێ زێدەتر دبن، رۆژانە ١٥٠٠ سەربازێن رۆسیا ل ئۆکرانیایێ دبنە قوربانی و ئەو یەک زیانەکا گەلەک مەزنە، هەروەسا هژمارەک زێدە چەکێن گران یێن رۆسیا ژکار کەفتینە و بەردەوامیا شەڕێ نها ل ئۆکرانیایێ دێ رۆسیا تووشی قەیرانەکا گەلەک مەزن کەت و دڤێت پۆتین راستیا هەی قەبوول بکەت و دویماهیێ ب شەڕێ ئۆکرانیایێ بینیت.
هەمان بەرپرسی ئەو یەک ژی دیار کریە، ئەمریکا و وەلاتێن ئێکەتیا ئۆرۆپا بەردەوام هاریکاریا ئۆکرانیایێ دکەن، بێگومان دەمێ شەڕێ نها درێژ بیت و رۆسیا ل سەر هەلوەستێ خۆ رژد بیت دێ وەلاتێن ئەندامێن ناتۆ ژی پتر هاریکاریا ئۆکرانیایێ کەن، ئەو یەک ژی ب چو رەنگەکێ د بەرژەوەندیا رۆسیا دا نینە و ژ بەر هندێ ژی راگرتنا شەڕێ نها د بەرژەوەندیا رۆسیا دایە.
