ناتۆ ب توندی هۆشداریێ ددەتە چینێ
سکرتێرێ گشتی یێ ناتۆ راگەهاند، چین رۆلەک گەلەک خراب د شەڕێ نها ل ئۆکرانیایێ دا دگێریت و ب تایبەتی ژی پشتی سەرەدانا پۆتینی بۆ وی وەلاتی چین هاریکاریا رۆسیا دکەت و نها رۆسیا ئێرشێن خوە ل سەر ئۆکرانیایێ دژوارتر لێ کرینە و زیانێن گەلەک مەزن ژی د چەند رۆژێن بۆری دا گەهاندینە ئۆکرانیایێ، ژ بەر ڤێ یەکێ ژی ئەم هۆشداریێ ددەینە چینێ دەست ژ سیاسەتا خوە بەردەت و پشتەڤانیێ ل رۆسیا نەکەت.
یانس ستولتێنبێرگ ئەو یەک ژی دیار کر، هەکە شەڕێ نها ل ئۆکرانیایێ وەسا ب دژواری بەردەوام بکەت ناتۆ نەچارە پتر پشتەڤانیێ ل ئۆکرانیایێ بکەت، چونکی دیارە رۆسیا دڤێت جارەکا دی ئالۆزیان بۆ وەلاتێن ئەندامێن ناتۆ دروست بکەت، سیاسەتا داگیرکاری یا رۆسیا ب چو رەنگەکێ ناهێتە قەبوول کرن، مە دڤێت چین نەبیتە پشکەک ژ سیاسەتا خراب یا رۆسیا بۆ وەلاتێن رۆژئاڤا ب تایبەتی ژی وەلاتێن ئێکەتیا ئۆرۆپا، چونکی ئەو یەک دێ ئەنجامێن خوە یێن خراب بۆ هەموو وەلاتێن جیهانێ هەبیت.
