ناتۆ: ل هەمبەر گەفێن رۆسیا د ئامادەباشیێ داینە
سکرتێرێ گشتی یێ ناتۆ دیار کر، گەفێن رۆسیا سەر ناتۆ و وەلاتێن ئێکەتیا ئۆرۆپا گەلەک زێدە بووینە و ژ بەر ڤێ یەکێ ژی نها وەکو ناتۆ ئەو د ئامادەباشیەکا تەمام دانە و رێ نادەن رۆسیا ببیتە مەترسی بۆ وەلاتێن ئەندامێن ناتۆ و دێ یا پێدڤی ل دژی رۆسیا هێتە کرن.
مارک رۆتە ئەو یەک ژی دیار کر، بەری نها ژی وان هۆشداری داینە رۆسیا هەکە رۆسیا ئێرشی وەلاتێن ئێکەتیا ئۆرۆپا بکەت یان ژی ب بزاڤێن خوە ئالۆزیان دروست بکەت دێ ناتۆ یا پێدڤی ل دژی رۆسیایێ کەت.
ئەو یەک د دەمەکێ دایە کو حەفتیا بۆری سەرۆکێ ئۆکرانیایێ ژی دیار کر، ئێرشا درۆنی یا رۆسیا ل ئاخا پۆلەندا و مانۆرێن سەربازی یێن رۆسیا ل گەل چینێ و بیلارۆسیا نیشا ددەن رۆسیا کار بۆ شەڕەکێ مەزن ل دژی ناتۆ و ئۆرۆپا دکەت و دڤێت رێگری ل رۆسیا بهێتە کرن.
