ناتۆ: پێدڤیە ل هەمبەر رۆسیا د ئامادەباشیێ دا بین
سکرتێرێ گشتی یێ ناتۆیێ دیار کر، رۆسیا نەڤێت شەڕێ ل گەل ئۆکرانیایێ بدەتە راگرتن، ئارمانجا رۆسیا ئەوە ئۆکرانیایێ تووشی شکەستنەکا مەزن بکەت و وی وەلاتی نەچار بکەت هەموو داخوازیێن وێ قەبوول بکەت، بێگومان پشتی ئۆکرانیایێ ژی دێ رۆسیا ئێرشی هندەک وەلاتێن دی یێن ئێکەتیا ئۆرۆپا کەت، ئانکۆ رۆسیا نها مەترسیەکا گەلەک مەزنە ل سەر ناتۆ و ئێکەتیا ئۆرۆپا و ژ بەر ڤێ یەکێ ژی گرنگە ئەم شیانێن بەرگریێ ب تایبەتی ژی سیستەمێ بەرگیریا موشەکی ٤٠٠٪ زێدەتر لێ بکەین.
مارک رۆتە ئەو یەک ژی دیار کر، رۆسیا هەموو قانوونێن نێڤدەولەتی بنپێکرینە و بەردەوام ئێرشی ئۆکرانیایێ دکەت و رۆسیا ژێدەرێن وزێ یێن ئۆکرانیایێ ژناڤ برینە، زیانێن گەلەک مەزن گەهاندینە ژیانا خەلکێ ئۆکرانیایێ، نها رۆسیا بوویە مەترسیەکا گەلەک مەزن بۆ سەر ناتۆ و ئێکەتیا ئۆرۆپا و دڤێت وەکو ناتۆ ئەم خوە بۆ شەڕێ رۆسیا بەرهەڤ بکەین.
