ناتۆ یا نیگەرانە ژ نێزيكبوونا توركيا و رووسيا
ئەڤرۆ نیۆز،زنار تۆڤی:
نووونه‌رێ هه‌ردەم یێ ئه‌مريكا ل په‌يمانا باكۆرێ ئه‌تلە‌سى ناتۆ، كاى بێلى هۆچيسۆن راگه‌هاند،کو كرینا سيستەمێ به‌رگریێ رووسی ئێس 400 ژ لايێ توركياڤە دێ كێشێ بۆ ناتۆ دروست کەت.
هوچيسۆن بۆ رۆژناما واشنتۆن پۆست راگه‌هاندیە،کو ئه‌ڤ پێنگاڤا توركيا یا بوویە جهێ نيگه‌رانیێ بۆ ناتۆ و ئه‌ڤ سيستەمێ مووشه‌كی ل گه‌ل سيستەمێ كارپێكری یێ ناتۆ ئێکناگرن.
هه‌روه‌سا گوتیە: ناتۆ پێ خۆش نینە ل نێزيكبوونا رووسيا و توركيا،ئه‌ڤ پرسه د به‌رژه‌وه‌ندیا ناتۆ دا نينه و هه‌روه‌سا د به‌رژه‌وه‌ندیا توركيا ژی دا نينه.
ل 12 ئیلۆنا بوری دا، سه‌رۆكێ توركيا ره‌جه‌ب ته‌يب ئه‌ردۆغانی راگه‌هاند،کو وەلاتێ وی رێككه‌فتنا كرینا سيستەمێ به‌رگریێ ئێس 400 ل گه‌ل رووسيا واژوو كریە.
