نارین فه‌قێ دێ پایزا خه‌ونان به‌لاڤ كه‌ت
هه‌ولێر، خه‌لیل بله‌یی:
نارین فه‌قێ، سترانبێژا به‌رنیاسا خه‌لكا رۆژئاڤایێ كوردستانێ، دیاركر كو ل چه‌ند رۆژێن بهێن ئه‌و دێ نووترین كلیپا خوه ب ناڤێ (پایزا خه‌ونان) به‌لاڤ كه‌ت و هیڤیا وێ ئه‌وه ب دلێ وی خه‌لكی بیت یێن كو گوهداریا سترانێن وێ دكه‌ن.
نارینێ گۆت: ئه‌ڤ سترانه ژ په‌یڤێن هه‌لبه‌ستڤان (ئه‌دیب چه‌لكی) نه و ئاوازا مۆزیكژه‌نێ خودێ ژێ رازی (زاهد بریفاكی) یه، كو به‌ری وه‌غه‌ركرنێ پێشكێشی من كربوو، بۆ زانین من ل به‌ر بوو ل سالا بۆری به‌لاڤ بكه‌م لێ من بۆ ئه‌ڤ ساله پاشخست و ئه‌گه‌ر ژی به‌س ئه‌و بوو كو ئه‌ڤ ساله (2021) بیست سال دبۆرن ل ده‌ستپێكرنا من وه‌ك سترانبێژ، بۆ زانین كارێ هونه‌ری یێ ڤی به‌رهه‌می ژلایێ ژلایێ هه‌ڤژینێ من لێده‌رێ سازێ (عه‌لی شاكر) هاتیه ئه‌نجامدان، تۆماركرنا مۆزیكێ و ده‌نگی ل وه‌لاتێ سوید بوویه، میكس و ماسترینك مه‌هدی نوری و محه‌مه‌د زه‌كی ژ دهۆكێ، و هه‌ژار دهۆكی ژی ب كارێ ده‌رهێنانێ رابوویه و ئه‌ز ڤێ سترانێ ژ ئێك ژ سترانێن خوه یێن هه‌ره باش د هه‌لبژێرم و هیڤیا من ئه‌وه ئه‌م هه‌موو پێكڤه كاربكه‌ین ژ بۆ هندێ ئاستێ ستران و مۆزیكا كوردی بۆ خه‌لكێ ژده‌رڤه پتر بده‌ینه نیاسین.
