نازێ عەزیز دێ دو سترانێن بەھدینی بێژیت
ئەڤرۆ نيوز:
نازێ عەزیزی سترانبێژ و ھوزانڤان ئاشکراکر، ل تۆڕێن جڤاکی سترانێن وێ زۆرترین بینەر ھەنە و ژبەر ڤێ رەوشێ بۆدەمێ دوسالا نە بەرھەمەکێ من ھاتیە راگرتن و دو سترانێن بەھدینی ژی تێدانە.
سترانبێژ نازێ عەزیزی خەلکا رۆژھەلاتا کوردستانێ یە و بۆدەمێ چەند سالانە ل ھەرێما کوردستانێ ئاکنجیبوویە، دبارەیا کارێن خوە یێن ھونەری ب رۆژناما ئەڤرۆ راگەھاند” کو بەری نوکە بەرھەمەک لسەر پێشمەرگەی بەلافکریە و چەندین کۆنسێرتژی بۆ ھێزێن پێشمەرگەی ئەنجامداینە، نوکەژی ئەز رۆژانە یا بەردەوامن لسەر کارێ خوە یێ ھونەری و ئەف بەرھەمێن من ل تۆڕێن جڤاکی بەلافکری زۆرترین بینەر ھەبووینە.
عەزیزی دیارکر” ئەڤە بۆدەمێ دو سالانە من بەرھەمەکێ نوو بەرھەڤکریە و ژ ھەشت تراکا پێکھاتیە، کو تنێ سترانێن کوردینە و دو ژوان سترانێن بەھدینی تێدانە، مخابن ژبەر قەیرانا دارایی پشتی بۆرینا دو سالان ھێشتا نەشیایمە بەلاڤ بکەم، چونکە رەوشا نوکەیا ھەرێما کوردستانێ رێگرە لھەمبەر بەرھەمێن سترانبێژا و ژبەر نەبوونا شیانێن ماددی نەشێم بەرھەمێ خوە نوو وەک سیدی بەلاف بکەم، بەلێ جارجار کلیپ دھێتە بەرھەڤکرن، بتایبەتی ئەف بەرھەمێن لسەر پێشمەرگەی بۆ پشتەڤانیا ھێزێن پێشمەرگەی مە بەلافکرینە.
