ناسا هوشداریا هاتنا پێله‌كا نه‌یزیكان دده‌ت
ئه‌ڤرۆ:
ئاژانسا ئه‌سمانی یا ئه‌مریكا ”ناسا” هوشداریا وێ چه‌ندێ دده‌ت كو ل حه‌فتیا بهێت ئه‌رد دێ تووشی باهۆزه‌كا نه‌یزكان بیت كو دبیت ب مه‌ترسیترین پێل بیت ب درێژاهیا چه‌ندین سالان ب ناڤێ SW3 و دێ ل ئه‌مریكا و چه‌ند ده‌ڤه‌رێن كه‌نه‌دا هێته دیتن.
ب گۆره‌یی رۆژناما ده‌یلی مه‌یل یا بریتانی دووره‌په‌رێزا SW3ێ كو ل سالا 1995ێ بۆ پارچێن مه‌زن هاتبوو قه‌د ببوو و ئه‌ڤه ژ وی ده‌می وه‌ره پارچه ژێ دكه‌ڤن و هنده‌ك جاران دبیته ئه‌گه‌رێ بارینا نه‌یزكان لێ دهێت ب ناڤێ “تاو هێركولیس”.
بارینا نه‌یزكان ل ده‌مه‌كی روو دده‌ت، ده‌مێ زه‌ڤی رێیا ئه‌وان پاشماوان كو دووره‌په‌رێزه‌ك یان ستێره‌ك ستێره‌كا بجه هێلایی دبڕیت، پتریا پێلێن نه‌یزكان دشیان دایه بهێنه پێشبینی كرن وه‌كو چاوان سالانه دووباره دبنه‌ڤه و ئه‌ردی دبڕن ب رێیه‌كا دیاركری و پاشمایی، ل گه‌ل وێ چه‌ندێ ژی هنده‌ك جاران ب رێیه‌كا به‌رته‌نگ ده‌رباز دبین و كۆمه‌كا تۆزا چڕ ل گه‌ل ستێران د گوهۆڕیت بۆ ب هزاران ستێرێن ب له‌ز.
وه‌كو هه‌موو نه‌یزیكان، زانا دبێژن ده‌ما ئه‌رد د ناڤ ڤان پێلان دا ده‌رباز دبیت، ئه‌و ره‌نگه سۆتنه‌كێ ل به‌رگێ ئه‌سمانی دروست دكه‌ن و سترێن كه‌فتی (نه‌یزك) دروست دبن.
دبیت باكوورێ ئه‌مریكا دیمه‌نه‌كێ كێم وێنه یێ كه‌فتنا ڤان نه‌یزكان ل دره‌نگیا شه‌ڤا دوشه‌مبی هه‌تا سپێده‌هیا رۆژا سێشه‌مبی ببینن، زانا دبێژین د ڤێ دیاردا ب ناڤێ
Tau Herculids ، دشیان دایه ببیته باهۆزه‌كا نه‌یزكان ب ره‌نگه‌كی هزار نه‌یزك د ده‌مژمێره‌كێ دا ب كه‌ڤن.