ناسر محه‌مه‌دو: زاخۆ ژ هەژی سەرکەڤتنێ بوو
عەلی حاجی:
داخویانیەکێ دا پیشه‌كارێ تیما یانه‌یا زاخۆ بۆ رۆژنامەیا ئەڤرۆ دیار کر ئەو ژ هەژی سەرکەڤتنێ بوون بەرامبەر یانه‌یا کەرخ ئه‌وا ب وه‌كهه‌ڤی ب گۆله‌كێ ب دووماهی هاتی ژ چارچووڤه‌یێ خولا ستێرێن ئیراقێ یا فوتبۆلێ و دوپاتكر وانا باوەرییەکا مەزن ب تیمێ هەیە.
زێدەتر ناسر محەمەدو گۆت: یارییا ڤێ حه‌فتیێ بەرامبەر تیما کەرخێ ئێك ژ دیدارێن ب زەحمەت بوو، هه‌رچه‌نده هەر ژ دەستپێکا یاریێ ب هەناسەیا سەرکەڤتنێ چوو بووینە د ناڤ یاریگه‌هێ دا و هەر زوو مە کونترۆلا یاریێ بکەن، ژ نشكه‌كێ ڤه تیما هەڤڕک د ئێك دەلیڤە دا شیان گولەکێ تۆمار بکەن، ب شێوەیەکێ گشتی یاری هەموو ژلایێ مە ڤە هاتبوو کونترولکرن لێ گەش و هەوایێ یاریێ و خرابییا یاریگەهێ ئەگەرەکێ سەرەکی بوو مە نەشیایی سەرکەڤتنێ بینن، سەرباری ئه‌م باشتر بووین كو ل دووڤ پلانێن ڕاهێنەرێ مە و کوالێتیا یاریزانان، ب کێماسی ئەم ژ هەژی سەرکەڤتنێ بووین، كاروانێ خول درێژە و دڤێت بۆ یاریێن بهێت خوە بەرهەڤ بکەین.
ناڤبری گۆت ژی: مە باوەرییەکا مەزن ب خوه هه‌یه کو دێ یاریێن بهێت ئاست و ئەنجامێن باشتر ده‌ستڤه‌ئینن، دڤێت مە هەناسەیەکا درێژ هەبیت و خول یا درێژە و ئارمانجا مه ژ پێلا خوه یا سه‌ركه‌فتنان نه راوه‌ستینن و به‌رده‌وام سه‌ركه‌ڤین.
بۆ زانین تیما یانه‌یا زاخۆ ب گۆله‌كێ وه‌كهه‌ڤ بوو دگه‌ل یانه‌یا كه‌رخ ئه‌وا ل شه‌ڤا ده‌ربازبوونی ژ چارچووڤه‌یێ گه‌ڕا23ێ ژ خولا ستێرێن ئیراقێ ل باژێرێ به‌غدا هاتبوو كرن.
