ناسنامە
ناجح بێجانی
تو ژ دایکبووی بێ ناڤ و ناسنامە ل وەلاتەکێ داگیرکری و ژ هەر چوار رەخاڤە ب قەید و زنجیران گرێدای و دبنێ زیندانەکا ڕەش وتلچاڤ ژ بۆ فڕەکا بایێ ئازادییێ لاڤا دکەی ، تو ژدایکبووی ل هەمبێزا چیایەکێ؛ بلند و خۆراگری و ب تنێ بەژنا خوە بۆ روحا وان شەهیدان دچەمینی ێین کو خلڤێن سێدارێ ماچیکرین بۆ ئازادییێ, تو ژدایکبووی و بوویە هڤ و ئۆمێدیێن دایکێن جەگەرسۆتی داکو بشێی وان ژ بن پستالێن ستەمکاران رزگار بکەی. تو ژدایکبووی دناڤ ژیانەکا گێلەشۆک و کەمپێن تێلبەند کری دا ، تو ژدایکبووی ل هیڤییا بوهارەکێ بووی داکو بێهنا گولان ب هلمێژی لێ مخابن جهێ وان بووینە خەردەل وسیانید ، تو ژدایکبووی داکو ب زانی ژیانێ ژی قوربانی دڤێن و ئازادییێ خوین دڤێت، لەوما ل تە پیرۆز بت ناڤێ تە قوربانییە و ئازادی ژی ناسناما وەلاتێ تەیە
