ناسناڤێ بالیوزێ ھەرێم و ئیراقێ ب ڤی گەنجێ پارێزگەھا دھوکێ ھاتەدان
ئەڤرۆ نیوز ، سەرکەفت رەشید:
پشتی کو ل چەند رۆژێن بوری گەنجەکێ پارێزگەھا دھۆکێ بناڤێ ژێگر ئەحمەد کو قوتابیێ زانکویا دھۆکێ یە و چەندین بەرنامەیێن زانستی ب تایبەتی ب خوبەخش ئەنجامداینە ، پشکداریێ د کەمپینا ئەلباخ یا وەلاتێ نەمسا دکەت و ژلایێ ئەوێ کەمپینێ ڤە ناسناڤێ بالیوزێ ھەرێما کوردستانێ و عیراقێ ب وی دھێتەدان.
دڤی واریدا ژێگر خورشيد بۆ ئەڤرۆ نیوز گۆت: (ئەم ژ نێزیک ل گەل سەرۆکێ نەسما ئەلێکسەندەرڤان دێر بێلین و چەند کەسانێن دن یێن ناڤدار ل ئەوروپا مینا توماس مابێر ھارتینگ سەرۆکێ رێڤەبەریا ئەوروپا و ئاسیا ناڤەراست د خزمەتێن کاروبارێن دەرڤەیێن ئەوروپا و سەرۆکێ شاندنێ بەرێ یێ ئێکەتیا ئەوروپا بو نەتەوەیێن ئێکگرتی ، و لنیویورک و ئیان ئەندێرسونی شیرەتکارێ رێڤەبەرییا ھەڤپشک ل کومسیونا ئەوروپی، و لارا ویسل ئەنداما تیما ھونەرێ برێڤەبرنێ کومبوین و دانوستاندن لسەر گرنگترین پێشھاتێن ھەرێما کوردستانێ ل نھا و پشتی ریفراندومێ و پەیوەندیێن ھەرێمێ ل گەل ئیراقێ کرین کو ٧٠ وەلات دپشکدار ببون و ھژمارا بەشداربویان ژی پێنچ ھزار کەس بوون و پتریا پشکداران ژی قوتابی بوون مینا سیاسەتمەدار، ئەندام پەرلەمان، کارساز، خودان پوستێن بەرزن دحکومەتێ دا وەک وەزیر، سەروک یان رێڤەبەرێن بەشێن گرنگ، رێکخراوێن نیڤدەولەتی ، وبابەتێن ڤێ دیدارێ گرێدای بوون ب خواندنا بلند، ساخلەمی، تەکنەلۆژیا، سیاسەت، قانون، ئابووری، ژینگە و ھونەر و کەلتور ومێژووی)
زێدەتر گوت : ( کەمپین بو دەما ٧٥ سالە یا بەردەوامە و ھەر سال جارەکێ دھێتە برێڤەبرن و بو سالا دووێ یە ل دیف ئێک من ب ناڤێ پارێزگەھا دھوک پشکداریێ د دیدارا ئەوروپی دا کر و بێ کو ئێک پشتەڤانیا من بکەت و سوپاس بو خودێ ناسناڤێ بالیوزێ ھەرێما کوردستانێ و عیراقێ ب ب من ھاتەدان ، بەلێ داخێ یە ھەتا نھا چوو کەس و لایەنان ھەڤکاریا من نەکریە)
