ناكۆیێن دیرۆكێ. . یا (بۆتانی ئاكره‌یی)
رۆژهه‌لاتناسێ ئه‌لمان كارل پیكه‌ر دبێژیت (چه‌ندی دیرۆك دیاربیت كو یا مه‌حاله، لێ یا فه‌ره ب هه‌مان قه‌ده‌رێ) دیرۆك د به‌هره‌كا مه‌زن دا په‌سنا خوه دئێخیته سه‌ر شیانێن دیرۆكناسان بۆ قانعكرن و مه‌رجداركرنا وان ل سه‌ر به‌لاغه‌تێ و دارێشتنێ بۆ گه‌هاندنا هزره‌كێ یان روودانه‌كێ، ئه‌م دێ روودانه‌كێ ئینین ب دو رۆمانان: ئێك یا ئه‌كادیمی یه د ژ ناڤ ڤه‌كۆلینه‌كا دكتۆرایێ دا بۆ زانكۆیا مووسلێ. یا دویێ ژ ڤه‌كۆله‌ره‌كێ هه‌ڤچه‌رخێ روودانێ، سه‌ه‌راری كو ژێكجودایی نه‌یا مه‌زنه د ناڤبه‌را هه‌ردو رۆمانان دا، لێ ناكۆكی هه‌یه، لێ ناكۆكی پشكه‌كا سه‌ره‌كی یه ژ دیرۆكێ: عه‌بدولفه‌تاح عه‌لی بۆتانی دبێژیت (ل 9/1/1960) مه‌لا مسته‌ف بارزانی و نووری شاویس وعه‌مه‌ر مسته‌فا و ئیبراهیم ئه‌حمه‌د و شه‌شێن دیتر داخوازیه‌ك دابوو وه‌زاره‌تا ناڤخوه بۆ رازیبوونێ ل سه‌ر دامه‌زراندنا حزبه‌كێ ب ناڤێ پارتی دیمۆكراتی یا ئێكگرتی یا كوردستانا عیراقێ، په‌یره‌وه‌كێ پێكهاتی ژ 23 به‌ندان هه‌ڤپێچ كربوو، تشتێ سره‌نجراكێش ئه‌وبوو مادێ سێ یێ ته‌زكه‌زیی دكه‌ت كو ئه‌و حزب مفادار نه‌بوویه د خه‌باتا خوه یا سیاسی دا و راڤه‌كرنا وی ب جڤاكی د بیردۆزا زانستی دا یا ماركسیا لینیی، هه‌روه‌سا وه‌زیرێ ناڤخوه یێ مووسلی، ئه‌حمه‌د محه‌مه‌د یه‌حیا پێشنیازا هه‌ژماره‌كا گوهۆرینان كر ل سه‌ر په‌یره‌وی و ژێبرنا هه‌ر دو په‌یڤێن كوردستان و ئێكگرتی د ناڤێ حزبێ دا كو ببیته پارتی دیمۆكراتی یا كوردی، بارزانی ژی به‌رهه‌ڤیا خوه دیاركر بۆ راكرنا په‌یڤا ئێكگرتی لێ ئه‌وی داكۆكی ل سه‌ر په‌یڤا كوردستان كر، له‌ورا ناڤێ پارتی دیمۆكراتی كوردستان پێشنیاز كر وه‌كو چاره‌سه‌ریه‌كا به‌لانسه‌ك، له‌ورا پێشنیاز قه‌بوول كر
/التگورات السیاسیه الداخلیه فی العراق- ص290) دیسا ژێده‌رێ بۆتانی سه‌عد ناجی جواد بوو، العراق والمساله الكردیه، ص43.
شه‌كیب ئاكره‌یی دبێژیت (ل 8/2/1960وه‌زاره‌تا ناڤخوه رازیبوو ل سه‌ر په‌خشكرنا فه‌رمی بۆ ناڤێ پارتی دیمۆكراتی كوردستان كو راببیت ب چالاكیا سیاسی ل گۆر قانوونا كۆمه‌لێن سیاسی یێن سالا 1960، هه‌روه‌سا سه‌ركردێ پیشنیازا گوهارتنا حزبێ كری ژ الحزب الدیمقراگی الكردی بۆ الحزب الدیمقراگی الكردستانی، دا كو هه‌می خه‌لكێ عیراقێ كارن بچنه ناڤ رێزێن وێ هه‌كه كورد ژی نه‌بن/ سالێن ته‌نگاڤیا/ سنوات المحنه فی كردستان ــ ل 43). ل گۆر برگه‌یا أ ژ به‌ندا پێنجێ ژ قانوونا جه‌معیات (ل سه‌ر وه‌زیرێ ناڤخوه فه‌ره ل ده‌مێ د بڕگه‌یا ئێكێ دا كو داخوازا راستڤه‌كرنان بكه‌ت یان زیده‌كرنێن قانوونی ل سه‌ر سیتسه‌مێ جه‌معیێ) وه‌زیرێ ناڤخوه پێشنیازا گوهارتنا ناڤێ حزبا شیۆعی كر بۆ حزبا ئێكه‌تیا گه‌ل.
و: ئه‌ڤرۆ
