نالا سۆپه‌ر: یاریزانێن هه‌رێمێ ئاستێ خولا ئیراقێ پێشخست
ئه‌ڤرۆ، هه‌ولێر، سولین سلێمان.
د دیداره‌كێ دا نالا سوپه‌ر سكرتێرا یانا ئافره‌تێن دهۆك دیاركر د وه‌رزێ ئه‌ڤ ساله دا ئاستێ فۆتسالا كوردستانێ بۆ ئاستێ ئافره‌تان گه‌هشتیه كۆپیتكێ و یاریزانێن كچ یێن هه‌رێمێ شیاینه ئاستێ خولا ئیراقێ پێشبێخن.
زێده‌تر ناڤهاتی بۆ رۆژناما ئه‌ڤرۆ دیاركر چو سالان وه‌كو وه‌رزێ ئه‌ڤ ساله ئاستێ فوتسالا هه‌رێمێ نه‌گه‌هشتیه كۆپیتكێ و پێشبینی دكه‌ین سالێن بهێت دێ كۆمه‌كا باش یا ستێرێن ڤێ یاریێ دیاربن و هه‌كه هه‌بوونا یاریزانێن كچ یێن هه‌رێمێ دناڤ خولا ئیراقێ دا نه‌بن ئاستێ وان باشتر نابن ك ئه‌گه‌رێن پێشخستنا ئاستێ فوتسالا ئیراقێ نه و گۆت: تیما یانا ئافره‌تێن دهۆكێ د ژیه‌كێ كێم دا شیایه ناسناڤێ كوردستانێ ده‌ستڤه بینت و وه‌رزێ ئه‌ڤ ساله‌دا ئێك ژ هه‌ڤڕكێن بهێز هه‌مبه‌ری ئافره‌تێن هه‌ولێرێ سه‌رباری ئاسته‌نگێن دارایی و نه‌بوونا یاریگه‌ه و هۆلێن تایبه‌ت ب یانێ ڤه كارگێریا یانێ هه‌موو بزاڤ كرینه باشترین شێوه تیمێن خوه به‌رهه‌ڤبكه‌ین.
نالا سۆپه‌رێ مخابنیا خوه دیاركر كو ئاسته‌نگێن دارایی و نه‌بوونا پشته‌ڤانیێ كارتیكرن ل چالاكیێن وان كرینه و گۆت: هه‌تا نوكه ئه‌م د كرێیا ڤه‌ینه و سۆپاسیا پارێزگارێ دهۆكێ دكه‌ین پشته‌ڤانیا مه دكه‌ت بۆ دانا كرێ و بئۆمێدین بۆ وه‌رزێ بهێت پشكداری خولێن ئیراقێ بكه‌ین و ئه‌و ئاریشا دارایی بهێته چاره‌سه‌ركرن ژبه‌ركو باره‌كێ گرانه هه‌رده‌مێ تیما مه یاریه‌كێ ژ ده‌رڤه‌یی هه‌رێمێ ئه‌نجامبده‌ت پێدڤی كۆژمه‌كێ مه‌زن هه‌یه و مه چو وه‌به‌رهێنان نینن و هه‌كه چو لایه‌ن پشته‌ڤانیا مه نه‌كه‌ن ئافره‌تێن دهۆكێ شیانێن پشكداریێ نابن.
