نامهكا ڤهكرى بۆ رێڤهبهریا گشتى یا پهروهردێن دهوكێ و سێمێلێ!
پرۆسیا پهروهردێ ئهڤه ماوێ دو سالانه كو ژ دهستپێكا قهیرانا دارایى مینا ههمى دام و دهزگایێن دى یێن حكوومى تووشى گرفتان بووینه، ژ گرفتێن ههره مهزن كو پهروهرده تووش بوویێ د ڤان دو سالێن رهبهق دا ڤهگوهاستنا مامۆستانه ژ دهوروبهرێن باژێران بۆ سهنتهرێ باژێرى كو مامۆستایێ ئاكنجیێ باژێرى و ب ههر بهانهكا ههبیت چ ژ كێمبوون و گیروبوونا مووچهى یان نهبوونا كریا هاتنوچوونێ بیت و….هتد ژ بهانا، دڤێت بهێته ڤهگوهاستن بۆ باژێرێ، لێ ئاكنجى تایبهت ههكه مافێ وى بیت و یێ (موستهحهق) بیت و دڤێت پهروهرده و رێڤهبهریا قوتابخانێ ژى هاریكار بیت ژبهر ڤان كاودانێن نها تێدا دبۆرین، ئهز ئێك ژ وان مامۆستامه كو ژ سالا 1999ێ هاتیمه دامهزراندن و ههتا نها ل دهوروبهران ل سنوورێ پهروهردا سێمێلێ هاتنوچوونێ دكهم و مافێ منه بهێمه ڤهگوهاستن و سالا پار من داخواز كر لێ ب بهانا نهبوونا پێگهورى نههاتمه ڤهگوهاستن و ب دیتنا من ب نهبوونا نافكینى (واستهى) نههاتمه ڤهگوهاستن ههر پار سال تووشى نهخۆشیهكا گران بووم و راپۆرتا پزیشكى ژى دگهل داخوازا ڤهگوهاستنێ من پێشكێشى پهروهردا سێمێلێ كر دیسان ب بهانا نهبوونا پێگهۆرى و داوایا سالا خواندنێ نههاتمه ڤهگوهاستن و سۆز دانه من كو بۆ سالا بێت یاكو نها ئهم تێدا بهێمه ڤهگوهاستن، ئهڤ ساله ژى دیسان فۆرما ڤهگوهاستنێ من پر كر و پێشكێش كر و سهرهدانا كۆچكا پهروهردێ ژى كر كو من ڤهگوهێزن ژبهر كو من راپۆرتا پزیشكى ههیه و ههروهسا ل دووڤ سۆزا وان دایه من، ل دهستپێكا پرۆسا ڤهگوهاستنێ ئێكێ پایه بلند ل كۆچكا پهروهردا سێمێلێ تهلهفۆنا من كر كو ئهز دانامه قوتابحانهكا ژ نوو هاتیه دانان ل سهنتهرێ قهزا سێمێلێ ب راستى كهیفا من هات كو ل دووماهیێ دێ هێمه ڤهگوهاستن پشتى 17 سالێن هاتنوچوونێ لێ ئهو تشتێ جارهكا دى بێ ئومێد كریم ئهو بوو دهمێ لیستا ناڤێن مامۆستایێن هاتینه ڤهگوهاستن دهركهتى و ناڤێ من نه تێدا، چوومه كۆچكا پهروهردێ داكو ئهگهرى بزانم ئێكسهر من قهستا وى مامۆستاى كر یێ كو تهلهفۆنا من كرى و مزگینیا ڤهگوهاستنێ دایه من و دهمێ من سحبهت بۆ كری د بهرسڤ دا گۆت رێڤهبهرێ پهروهردێ ناڤێ ته ئینایه دهر ژبهر كو رێڤهبهرێ قوتابخانا ته ل سهر فۆرما ته نڤیسى یه (د رازینه بهێته ڤهگوهاستن، بهلێ ب پێگهۆر) ئانكو ههتا پێگهۆر بێت ژنوو بهێته ڤهگوهاستن، چوومه دهڤ رێڤهبهرێ پهروهردێ من ژێ خواست ئهگهرێن نهڤهگوهاستنا من چنه، جهنابێ وى گۆت: رێڤهبهرێ ته پێگهۆر خواستى یه ههتا پێگهۆرهك بۆ ته چێ ببیت من گۆت بهلێ پا مامۆستا ئهڤه 17 ساله هاتنوچوونێ دكهم و راپۆرتا پزیشكى ژى من ههیه كو نابیت هاتنوچوونێ بۆ رێكێن دوور بكهم، ئهڤجا پشتى جڕه برهكێ دهركهتم بێ ئهنجام، ل ڤێرێ چهند پرسیارهك بۆ رێڤهبهریا پهروهردا سێمێلێ ئایا ههكه من ناڤینهك ههبایه و یێ بهێز با دا هێمه ڤهگوهاستن یان نه؟ بێگومان بهرسڤ 100% بهلێ ئایا ئهو مامۆستایێن ژ پهروهردێن شێخان و بهردهرهش و زاخۆ و دهۆك هاتینه سنوورێ پهروهردا سێمێلێ نهدشیان ئێك ژ وان بكهن پێگهۆرێ من؟ ئایا ئهو لیستا ناڤێن مامۆستایێن هاتینه ڤهگوهاستن رێڤهبهرێن وان نه نڤیسى بوون (پێگهۆر ههبیت)؟ ریڤهبهرێ من ب تنێ نڤیسى بوو؟ ل دووماهیا ڤێ ئاخفتنێ دبێژم دهوامێ ناكهم و كهس ژى بلا هزر نهكهت بایكۆته نهخێر ئهڤه مافێ منه.
