نامهیا گهنهرال مهلا موستهفا بارزانی یا سالا 1947ان ژ ستالین ره
گهنهرال مهلا موستهفا بارزانی، نامه ژ بۆ ستالین
مارهشالێ مهزن ئێ یهكیتیا سۆڤیهتان سهرۆك ستالین ره
مۆسكۆوا
د وێ رۆژا لهشكهرێ سۆر خهباتا ژ بۆ وهكههڤی، رزگاریا مرۆڤاتی و ئازادیێ پێشكێشی جیهانێ دكه، د وێ رۆژا تیرێژێن وهكههڤ و ئازادی یێن وهلاتێ سۆڤیهتێ رۆناهی دده، ئهز ل سهر ناڤێ گهلێ كورد ڤێ نامهیێ و راپۆرێ د دهرههقێ هنهك ملێن رهوشا كوردێن ئیراقێ ده ژ وه ره دنڤیسم. رجایا من ئهوه هوون بالا خوه بدنێ.
مارهشالێ من ئێ مهزن: وهكی كو هوون ئاگاهدار ن، ب ناڤێ كورد گهلهك ههیه. ل سهر ئهردهكی كو دكهڤه ناڤبهرا ئیراق، ئیران، تركیه و سووریێ دژی. ئهڤ گهلێ هان ههر ژ كهڤن ڤه خوهدیێ زمان و نهتهوایهتی و ئاوایێ سۆسیۆلۆژیكا خوه یه. پشتی شهرێ جیهانێ یێ یهكهم، دهما كو ههڤپهیمان ب سهر كهتن، ئهڤ گهلێ هان هات پهرچقاندن، ژ بهر سهبهبێن سیاسی د ناڤبهرا مهزۆپۆتامیا (یراق)، ئیران و تركیێ ده كرن سێ بهش. ههمی وهختێ ژ كو وهك ل گهلێن دن ژ بۆ ئازادیا خوه دهست ب تێكۆشینێ كر، ژ بهر سهبهبێ سیاسهتا بندهستكرن و زۆرداری یا ئینگلیزان، كو تو جار ب ئازادی و سهرخوهبوونا كوردستانێ ره نهبوویه، ب سهر نهكهت. نها داوی ب سهر هاتیه، ل گۆر وهفایێ وه د دهرههقێ مافێن ئازادیێ یێن ههمی گهلان، گهلێ كورد ژی وهكی گهلێن دن، ژ بۆ ئازادیا خوه دهست ب خهباتێ كریه.
مارهشالێ من ئێ مهزن: ژ كوردێن ئیراقێ ره رۆنی بوویه كو سیاسهتا دهولهتا ئینگلیز ژ بلی بندهستی و زۆرداریێ، مهبهستهك وێ یا دن ژ ئورتێراكرنا ڤی گهلی یه. ژ بهر ڤێ مه كوردێن مهزۆپۆتامیایێ بریار دایه كو ئهم ب زۆری بگهیژن مافێن خوه. ژ بهر كو ههمی ههولدانێن مه یێن ژ بۆ گهیشتنا ڤێ مهبهستێ بێ فهیده مان، ژ بهر ڤێ ئهم ل دژ دهولهتا ئیراقێ رابوون. ئهم دزانن ئهڤ دهولهتا هان ل سهر دهستوورا ئینگلیزان دخوازه مه ژ ئورتێ راكه. مه ژی بریار دا كو ژ بۆ گهیشتنا ئازادیا خوه و ناسكرنا مه وهكی نسانان ئهم ب ئاواكی سهربلندی خوه بدن كوشتن. ئهم نها د ناڤ شهر ده دژین.
مارهشالێ سهرۆك: د ڤێ دهما هان ده كو ئهز ڤێ نامهیێ ژ ته ره دنڤسیم، بالافرێن ئیراقێ ب ئالكاریا ئنگلیزان باژار و گوندێن كوردستانێ بۆمبهباران دكن، هێزێن وان ئێن زۆردار ب تۆپ و تهیارهیان ل دژی دهستهیێ چهكدارێن كورد كو ژ بلی تڤنگێ تو تشتهك دن د دهستێ وان ده تونه، شهر دكن. ب سهر ڤێ ده ژی، ئهو ناڤچهیێن مه ئازاد كرنه، مه ئازادی و خوهموختاریا خوه ئیلان كریه، ئهم دخوازن وێ بپارێزن و مه ههمی ئیمكانێن خوه ژ بۆ ڤێ مهبهستێ ئاماده كرینه.
مارهشالێ گهلێن بندهست ئێن تێن پهرچقاندن: ههمی دنیا و ب تایبهتی كوردێن ئیراقێ ئاگاهدارن كو وه كارهكی مهزن ژ بۆ ئازادی و سهرخوهبوونا گهلان كریه، ئهڤ ههمی تشتێن كو ئهم دبینن ژ نشانێن ڤێ راستیێ نه. ژ بهر ڤێ، ئهم بالا وه یا پیرۆز ژ بۆ ڤان داخوازێن مه یێن خوارێ دكشینن:
1- ئالیكاریا ماددی و چهكداری ژ مه ره بێ داین.
2- شۆرهشا مه شۆرهشهكه پیرۆز ئا گهلی بێ قهبوولكرن.
3- ئهم ئاماده نه وهكی كۆمارهكه ئازاد د بن پشتهڤانیا وه ده بن.
4- د كانالێن سیاسهتا دهرڤه ده ئالیكاریا مه بێ كرن.
5- ئهم ئاماده نه پێوهندیێن سیاسی، ئابۆری، كولتوری و لهشكهری ب وه ره دهینن.
هم چاڤهرێیا ههولێ وه یێ پایهبلند و ژ بۆ رزگاریا مه نێرنێن وه یێن بقیمهت دكن.
بژن، ههر زندی بن ژ بۆ ئاسایش و ژیانا باش ئا گهلێن سۆڤیهتێ!
بژین، ههر زندی بن ژ بۆ ئاسایش و ژیانا باش ئا گهلێ كورد.
سلاڤ ژ كوردستانا ئازاد ئا ل ئیراق و ئیرانێ.
فهرماندارێ لهشكهرێ ئازادی و شۆرهشا گهلێ كورد ل ئیراقێ
دۆستێ وه: موستهفا بارزانی
1. گهنهرال مهلا موستهفا بارزانی، نامه بۆ ههڤال ستالین، ئارشیڤا روسسا
2. ئهڤین چچهك لا دéپۆرتاتۆن دهس كوردهس، پ. 2 پارس
