ناپۆلی 150 ملیۆن یۆرۆ بۆ فرۆتنا ئۆسیمین داناینە
ئەڤرۆ
یانەیا ناپۆلی یا ئیتالی بڕیاردا ب مەرجەكی ستێرێ خوە یێ نێجیری فیكتۆر ئۆسیمین ب فرۆشیت پشتی چەند یانەیێن ل سەر ئاستێ خولێن ئۆرۆپا بزاڤكرینە ژبۆ رازیكرنا وی.
ل دووڤ رۆژناماIl Mattino یا ئیتالی دیار كر ناپۆلی بەرهەڤە هێرشبەرێ خوە بفرۆشیت لێ ب مەرجەكی كو ئەو یانەیا گرێبەستێ دگەل ئیمزابكەت دڤێت 150 ملیۆن یۆرۆیان بەرانبەری گرێبەستێ بەرهەڤبكەت، ئەڤچەندە ژی هات پشتی سەرۆكێ یانێ ئۆریلیۆ دی لۆرێنتس دۆپاتكری ئۆسیمین نە بۆ فرۆتنێ یە و هێشتا پێدڤی ب شیانێن وی هەیە، ئەڤ داخویانیە رێك ل هەموو بزاڤێن یانەیێن مانچستەر یۆنایتد و ئارسنال یێن ئنگلێزی و پاریس سانجێرمان یا فرەنسی گرتن.
بۆ زانین فیكتۆر ئۆسیمین د نوكە دا گۆلكەرێ خولا ئیتالیە ب 21 گۆلان ژ 23 یاریان و ژیێ وی 24 سالن و گرێبەستا وی هەتا ناڤەراستا سالا 2025ێ بەردەوامبیت.
