ناڤه‌ندا بالا قاره‌مانیا ته‌پا مێزێ ڤه‌كر
دهۆك، نه‌وزاد هلۆری:
ب مه‌ره‌ما گرنگیدان ب وه‌رزشێ و بوراندنا شه‌ڤانێن ره‌مه‌زانێ ناڤه‌ندا بالا یا لاوان ل ئامێدیێ هه‌ڤكاری ل گه‌ل یانا شێلادزێ یا وه‌رزشی قاره‌مانیه‌كا ته‌پا سه‌ر مێزێ بۆ هژماره‌كا گه‌نجێن ده‌ڤه‌رێ ڤه‌كر.
سه‌ردار خانمیر جێگرێ سه‌رۆكێ یانا شێلادزێ یا وه‌رزشی بۆ ئه‌ڤرۆ گۆت: ب مه‌ره‌ما گرنگیدان و ساخكرنا جورێن وه‌رزشێ ل ده‌ڤه‌رێ و بوراندنا شه‌رڤانێن ره‌مه‌زانێ یانا شێلادزێ و ناڤه‌ندا بلند یا لاوان ل ئامێدیێ قاره‌مانیه‌كا ته‌پا سه‌ر مێزێ بۆ گه‌نجێن ده‌ڤه‌رێ ڤه‌كر.
زێده‌تر گۆت: 58 یاریزانان ل گوندێ بالندا هه‌تا ئامێدیێ پشكدارن و شه‌ڤانه ل ده‌مژمێر 10:00ێ ب شه‌ڤ ل ئاڤاهیێ یانا شێلادزێ دێ هێته ئه‌نجامدان، ئه‌م دخوازین كو زێده‌تر گرنگی ب وه‌رزشا ده‌ڤه‌رێ بهێته‌دان ژبه‌ركو ئه‌ڤه چه‌ندین ساله وه‌كو پێدڤی خزمه‌تا وه‌رزشا ده‌ڤه‌رێ نه‌هاتیه‌دان، قاره‌مانی دێ هه‌تا دوماهیا ره‌مه‌زانێ یا به‌رده‌وام بیت ول دووماهیا قاره‌مانیێ خه‌لات ل سه‌ر سه‌ركه‌فتنیان هێنه دابه‌شكرن.
