ناڤهندا بالا یا لاوان قارهمانیا شهترهنجێ رێكخست
دهوك، نهوزاد هلوری:
ب ههلكهفتا 69 سالیا دامهزراندنا ئێكهتیا قوتابیان و ئێكهتیا لاوێن دیموكراتا كوردستانێ، قارهمانیهكا شهترهنجێ ل سهر ئاستێ پارێزگهها دهۆكێ هاته ئهنجام دان.
چالاك حسێن سهرۆكێ ئێكهتیا شهترهنجا پارێزگهها دهۆكێ بۆ رۆژناما ئهڤرۆ گۆت: ب ههلكهفتا 69 سالیا دامهزراندنا ئێكهتیا قوتابێن كوردستانێ و ئێكهتیا لاوێن دیموكراتا كوردستانێ ناڤهندا بالا یا لاوان ههڤكاری ل گهل پهیمانگهها ڤیا یا پهروهردا وهرزشی و ئێكهتیا شهترهنجا پارێزگهها دهۆكێ دوهی قارهمانیهكا شهترهنجێ ل سهر ئاستێ پارێزگهها دهۆكێ هاته ئهنجام دان، ئهوا 18 یاریزان پشكداربووین ب شێوازێ سویسری بلهز بۆ پێنچ گهڕا هاته ئهنجامدان، پشتی ههڤڕكیهكا بهێز یاریزان ئیسماعیل حسێن ب پێنچ خالان ل رێزا ئێكێ هات، ئهحمهد یونس و نیهاد رهمهزان ب چوار خالا ب ههڤپشكی رێزێن دویێ هاتن، ل دوماهیێ خهلات ل سهر هاتنه دابهشكرن.
ناڤبری دیاركر ژبهر كورونایێ و نهبوونا پشتهڤانیێ چالاكیێن یاریا شهترهنجێ ل سهر ئاستێ پارێزگهها دهۆكێ گهلهك كێمی دهێنه ئهنجامدان و گۆت: ل پارێزگهها دهۆكێ مه چوو یانه نینن، لێ یاریزانێن خودان شیان سهر ئاستێ كچان و كوڕان و د قارهمانیێن ئیراقێ و كوردستانێ پشكدار دبن و رولهكێ باش ژی ههیه.
