ناڤه‌ندا زاخۆ خیڤه‌تگه‌ها سێیێ یا لاوان ڤه‌كر
عەلی حاجی:
سێیەم خیفەتگەها لاوان ژلایێ ئێکەتیا لاوێن دیموکراتا کوردستانێ ناڤەندا زاخۆ و رێڤەبەریا چالاکیێن وەرزشی و دیدەڤانی ل زاخۆ هاتە ڤەکرن.
ل دور ڤەکرنا خیفەتگەهێ حکمەت محەمەد بەرپرسێ ناڤەندا زاخۆ بۆ رۆژناما ئەڤرۆ گۆت : ئەڤه سێیەم خیفەتگەها لاوانە ژلایێ ناڤەندا مە ڤە ب هەڤکاری دگەل رێڤەبەیا چالاکیێن وەرزشی و دیدەڤانی ڤە ل زاخۆ دهێتە ڤەکرن ب ناڤێ پێشکەڤتنە د بن دروشمێ لاو بۆ پێشکەڤتنێ هزر دکەن و بۆ سەرکەڤتنێ کار دکەن هاتیە ڤەکرن و ٢٠٠ لاوێن دەڤەرا زاخۆ ژ کچ و کوران پشکداریێ تێدا کریە و دێ بۆ ماوه‌یێ حەفتیەکێ بەردەوام بیت، د ماوەیێ حەفتیەکێ دا ب شێوەیەکێ بەرفرەهـ ئەڤ گەنجە دێ فێری گەلەک تشتان هێنە کرن ژ وانا بەرنامەیەکێ تایبەت ب وەرزشی ڤە هاتیە دانان هەر دیسان ژی چەندین یاریێن وەرزشی یێن کوردەواری و رەوشەنبیری و گەلەک بیاڤێن دیتر دێ ب قوتابیان هێتە دان.
ناڤبری گۆت ژی : بۆ دەما ٢٤ دەمژمێران دا ئەڤ لاوە د ناڤ خیفەتگەهێ دا مینن و د وی ماوەیێ دا چەندین بزاڤێن وەرزشی ب تایبەتی ژی وەرزشا سپێدەهیان هێتە ئەنجامدان و مەرەم ژی ئەوە کو گەنجەکێ سەرکردە و نیشتیمان پەروەر و وەرزش دوست بهێتە بەرهەڤکرن.
