ناڤه‌نده‌كا نێڤده‌وله‌تى: ل سالا 2025 نیڤه‌كا كارێن جیهانى دێ ب ئامیران هێنه كرن
ئه‌ڤرۆ نیوز:
د ده‌مه‌كێ دا كارێ ئۆنلاین ل جیهانێ به‌ره‌ف گه‌شه‌كرنێ یه، رێكخه‌رێن كوربه‌ندێ سالانه یێ ئابوورى ل داڤۆس پێشبینى دكه‌ن ل سالا 2025 دا كاران ب یه‌كسانى دناڤبه‌را ئامیران و كرێكاران دابه‌ش بكه‌ن، ب وێ چه‌ندێ كو دێ نیڤه‌كا كارێن جیهانێ ئامیر كه‌ن.
شێوازێ كارێ كرێكاران ل جیهانێ ب ره‌نكه‌گێ ب له‌ز گوهۆرین ب سه‌ر دا هاتینه، كوربه‌ندێ ئابوورى یێ جیهانى د نووترین راپۆرتا خوه دا، ئه‌ڤرۆ چارشه‌مبى ب ناڤێ داهاتیێ كارى به‌لاڤه كریه، وان پێشبینى كریه كار دناڤبه‌را مرۆڤ و ئامیران دا بهێته دابه‌ش كرن، ب ره‌نگه‌كێ دێ ئامیر ده‌ست ب سه‌ر 85 ملیۆن ده‌لیڤێن كارى دا گرن، ل 15 كه‌رتێن جۆدا دا ل جیهانێ، د هه‌مان ده‌مدا 97 ملیۆن كار و رۆلێن دیتر یێن نوو د وارێن دیتر دا دێ بۆ مرۆڤان به‌رده‌ست بن.
سه‌عدیه زاهى، رێڤه‌به‌را كوربه‌رندێ ئابوورى یێ جیهانى گۆتیه: ئه‌وا ئه‌م بزاڤێ بۆ دكه‌ین به‌رێ خوه دانا ئه‌ركێن مرۆڤانه، د پێنج سالێن بهێت دا دێ كار دناڤبه‌را مرۆڤ و ئامیران دا وه‌كو ئێك بن، دێ روبۆت وه‌كو خه‌لكى بن، لێ ئه‌ڤه وێ نا گه‌هینیت كو كارێن نو په‌یدا نابن، د هه‌موو واران دا دێ كارێن نوو په‌یدا بن، دێ هنده‌ك كار په‌یدا بن ب تنێ مرۆڤ دشێن بكه‌ن.
