ناڤێن پتر ژ 40 هزار فەرمانبەران ل دهۆكێ بۆ وەرگرتنا ئەردی ڤەگەڕیاینە
هەولێر، قائید میرۆ:
بەرپرسەكێ وەزارەتا باژێڕڤانی و گەشتوگوزارێ دیار كر، هووربینی بۆ ناڤێن 240 هزار فەرمانبەران هاتیە كرن و ناڤێن وان بۆ باژێڕڤانیێن وان هاتینە ڤەگەڕاندن، داكو پارچەیێن ئەردی وەربگرن.
سەربەست مەولود، رێڤەبەرێ قانوونی ل وەزارەتا باژێڕڤانیێ بۆ رۆژناما ئەڤرۆ دیار كر، ل پارێزگەها دهۆكێ ناڤێ زێدەتری 40 هزار فەرمانبەران ڤەگەڕیاینە بۆ وەرگرتنا پارچەیێن ئەردی و گۆت: «رێكارێن قانوونی یێن وان فەرمانبەران تەمام بووینە، ب تنێ مایە ئەردی وەربگرن».
سەربەست مەولود گۆتژی: «هووربینی بۆ ناڤێن وان فەرمانبەران هاتینەكرن و بۆ باژێڕڤانیێن وان هاتینە ڤەگەڕاندن، هەر فەرمانبەرەكێ مەرجێن وەرگرتنا ئەردی هەبن، ل وەگرتنا پارچەكا ئەردی دێ مفاداربیت و سنورێ هەر باژێڕڤانیەكێ ژی ئەرد یێ بەرهەڤبیت دێ هێتە بەلاڤكرن».
