ناڤێن 14 روفاتێن جینۆسایدا شنگالێ ئاشكرابوون
دهۆك، لەزگین جوقی:
ئەلیاس سالح قاسم، ئێك ژ رزگاربوویێن كارەساتا گوندی كوچۆ ل شنگالێ دیار كر، نوكە ناسنامەیێن 14 روفاتێن جینۆسایدا شنگالێ ئاشكرابوون و دبێژیت: ئەڤ روفاتە ل رۆژا 21/1/2024ێ ژ بەغدا بۆ دەڤەرداریا شنگالێ دێ هێنە هنارتن و ل رۆژا 22/1/2024ێ د رێورەسمەكی دا ل گۆرستانا گوندێ كوچۆ دێ هێنە ڤەشارتن.
ل سالا 2014ێ ژ لایێ تیرۆرستێن داعش ڤە ئەڤ وەلاتیێن خەلكێ گوندێ كوچۆ هاتبوونە گوللەبارانكرن و ژ نو ناسنامەیێن وان ئاشكرا بوون، ئەو ژی ئەڤەنە: (سەعید جزاع كەلۆ، داود كجی سالح، جەمال عیسا قاسم، عیسا جەمال عیسا، زێدان سالح مكری، ئەیاد داود كجی، فەرهاد داود كجی، ئەحمەد خەلەف ئەحمەد، خنسا عەمێ سالح، غەزال عەمێ سالح، وزحە خەلەف ئەحمەد، زێرێ حسین، حلیما خەلەف ئەحمەد و غەزال خەلەف ئەحمەد).
