ناڤەرۆکا هەڤدیتنا ل گەل ئۆجەلانی ناهێتە ئاشکرا کرن
شاندێ سێ کەسی یێ کۆمسیۆنا ئاشتیێ یێ پەرلەمانێ تورکیا سەرەدانا ئۆجەلانی کر و بەری دو رۆژان ژی شاندێ پەرلەمانێ تورکیا دیار کر هەڤدیتنا وان یا ل گەل ئۆجەلانی گەلەک باش بوویە.
ل ئالیێ دی عەبدولقادر سەلڤی شیرەتکارێ بەرێ یێ سەرۆک وەزیرێن تورکیا ژی دوهی بۆ کەنالێ خەبەر تورک دیار کر، هەڤدیتنا ل گەل ئۆجەلانی ب تەمامی ل ژێر چاڤدێریا دەزگەهێ هەوالگریێ یێ تورکیا بوویە، میتێ هەموو ئامادەکاری کربوون و هەڤدیتن هەموو هاتیە تۆمار کرن، لێ ب چو رەنگەکێ بۆ رایا گشتی ناهێتە ئاشکرا کرن و هەتا ١٠ سالێن دی ژی کەس نزانیت کا ناڤەرۆکا هەڤدیتنێ ب تەمامی چ بوویە، ژ بلی ئەندامێن شاندێ و بەرپرسێن پەیوەندیدار یێن دەولەتێ.
ل ئالیێ دی سەرۆک کۆمارێ تورکیا رەجەب تەیب ئەردۆغان ژی دیار کر، هەڤدیتنا شاندێ کۆمسیۆنا ئاشتیێ ل گەل ئۆجەلانی دێ بیتە ئەگەر قووناغا ئاشتیێ ب رەنگەکێ باش بەردەوام بیت و دێ ئەنجامێن خوە یێن باش ژی هەبیت.
