ناڤەندا خانی ئێڤاریەكا رەوشەنبیری ل دێرەلۆكێ گێڕا
شاكرئەتروشی:
ناڤەندا خانی یا رەوشەنبیری و راگەهاندنێ/پشكا رەوشەنبیری، ب هەڤكاری ل گەل سەنتەرێ پێشەنگ یێ رەوشەنبیری، دوهی ئێڤاری 4/9 چالاكیەكا رەوشەنبیری ل هولا ناڤەندا وەرزش و لاوان ل سەنتەرێ ناحیا دیرەلۆكێ گێڕا و هژمارەكا نڤیسكار و رەوشەنبیرێن وێ دەڤەرێ لێ دبەرهەڤ بوون.
پشتی خواندنا پەیڤا ناڤەندا خانی یا رەوشەنبیری و راگەهاندنێ، كو ژلایێ بەرێز(موسەدەق تۆڤی) بەرپرسێ پشكا رەوشەنبیری ل ناڤەندا ناڤبری هاتیە پێكێشكرن، دو سمینار هاتنە پێشكێشكرن، یا ئێكێ بۆ بەرێز (پ.د زرار سەدیق) ل ژێرناڤێ (چەند تیروشكەكێن مێژووی ل سەر دەڤەرا ئامێدیێ ل چەرخێن ناڤین) و یا دویێ بۆ بەرێز (رزگار كێستەیی) ل ژێر ناڤێ (پانۆراما دیرۆكا شۆڕەشا گولانێ) بوو، پاشان دەرگەهێ دانوستاندنێ هاتە ڤەكرن و ب ئاراستەكرنا چەند پرسیار و تێبینیان ئەو سمینار ب رەوشتر لێ كرن و ل دووماهیێ هژمارەكا پرتووكان كو ژ وەشانێن ناڤەندا خانی بوون ب دیاری ل سەر بەرهەڤبوویان هاتنە بەلاڤكرن.
