ناڤەندا خانی پرتووكا شەهید (ئەمین نسری) بەلاڤكر
شاكر ئەتروشی:
پرتووكا شەهید(ئەمین نسری چەڤەنگێ ئازادیێ و مرۆڤایەتیێ) كو ژ ئامادەكرن و نڤیسینا (حامد نسری) یە و ژ وەشانێن پشكا رەوشەنبیری یە ل ناڤەندا خانی یا رەوشەنبیری و راگەهاندنێ، دوهی ئێڤاری 28/10 د چالاكیەكا تایبەت دا ل هولا سەنتەرێ پێشمەرگە یێ رەوشەنبیری هاتە بەلاڤكرن و هژمارەكا كەسوكارێن شەهیدی و چەند هەڤال و دوست و نڤیسەرێن دەڤەرێ د بەرهەڤ بوون.
ل دەستپێكێ نڤیسەرێ پرتووكێ (حامد نسری) پرتووكا خوە بۆ بەرهەڤبوویان دا نیاسین، هەروەسا بەحسێ وان قوناعان كر یێن پرتووك تێدا هاتیە بەرهەڤكرن هەتا گەهاندیە چاپێ و سوپاسیا وان كەس و لایەنان كر یێن كو بووینە پالدەر بۆ دەرخستنا ڤێ پرتووكێ و ب ئیمزا نڤیسەر پرتووك ل سەر بەرهەڤبوویان هاتە بەلاڤكرن. هەژی گۆتنێ یە كو دوێ چالاكیێ دا پەیڤا بەرێز د. عەلی تەتەر پارێزگارێ دهۆكێ و پەیڤا بنەمالا شەهیدی و ناڤەندا خانی و پێشمەرگێ دێرین ئەمین گەڤەركی و عیسا نسری هاتنە خواندن، هەروەسا هەلبەستڤان (شەعبان سلێمان) هەلبەستەك خواند.
