ناڤەندا خانی پەنەلەك ل دۆر مێژوویا كوردستانێ گێڕا
شاكر ئەتروشی:
ناڤەندا خانی یا رەوشەنبیری و راگەهاندنێ (پشكا رەوشەنبیری) دوهی ئێڤاری 8/12/2024 دچالاكیەكا تایبەت دا پەنەلەك ل دۆر مێژوویا كوردستانێ ل هولا سەنتەرێ پێشمەرگە یێ رەوشەنبیری رێكخست و چار سمینار هاتنە پێكێشكرن.
د بڕگا ئێكێ دا (د. محەمەد سالح زێبارێ) سمینارەك ل بن ناڤێ (چەند لاپەرەك ژ مێژوویا كوردستانێ ل هزارا سێی پ ـ ز گۆتی وەك نموونە) پێشكێشكر، د بڕگا دویێ دا (پ. ه. د هیڤی سەعید عیسا) سمینارەك ل بن ناڤێ (پەیوەندیێن میتانیان دگەل ئاشۆریان 1550ـ 1270 پ ـ ز پپێشكێشكر، د بڕگا سێیێ دا (پ. ه. د هیڤی سەبری جەمیل) سمینارەك ل بن ناڤێ (كارتێكرنا شەڕێن ئەشكانی و رۆمانییان ل سەر كوردستانێ) پێشكێشكر و د سمینارا چارێ و دووماهیێ دا پ.د (عیماد عەبدولقادر محەمەد سەعید) سمینارەك ل بن ناڤێ (هزرا ئاینێ زەردەشتی) پێشكێشكر و هەر چار سمینار ژلایێ پ. ه. د (رێبەرجەعقەر ئەحمەد مایی) ڤە هاتنە ب رێڤەبرن و ل دووماهیێ دەرگەهێ دانوستانێ دا هاتە ڤەكرن و ب ئاراستەكرنا چەند پرسیار و تێبینیان ژلایێ بەرهەڤبوویان ڤە ئەو چالاكی ب رەوشتر لێكر.
