ناڤەندا خانی چار پرتووكێن نوو بەلاڤكرن
شاكر ئەتروشی:
ناڤەندا خانی یا رەوشەنبیری و راگەهاندنێ (پشكا رەوشەنبیری) ب هەڤكاری ل گەل مالا لاوان یا سەر ب ئێكەتیا لاوێن دیمۆكراتا كوردستانێ ڤە، ل ژێر درۆشمێ (دنیا كتێبەكە یێ گەڕیانێ دناڤدا نەكەت، ب تنێ دێ بەرپەرەكی ژێ بینیت) دوهی ئێڤاری چالاكیەكا رەوشەنبیری ل هولا مالا لاوان گێڕا و چار پرتووكێن ژ نوو چاپ بووین، ل گەل هژمارەكا پرتووكێن بەری نوكە چاپ بووین، كو هەموو ژ وەشانێن ناڤەندێ نە ب دیاری ل سەر بەرهەڤبوویان هاتنە بەلاڤكرن.
د پەنەلێ ئێكێ دا و بەری ئیمزاكرن و بەلاڤكرنا وان چار پرتووكان نڤیسەر (مۆسەدەق تۆڤی) سمینارەك ل دۆر گرنگیا خواندنا پرتووكان پێشكێشكر و داخواز ژ گەنج و لاوێن بەرهەڤبووی كر كو رۆژانە دەمەكی بۆ خواندنا پرتووكان تەرخان بكەن دا ل پاشەرۆژێ ببنە كەسێن رەوشەنبیر و بەرهەمدار دناڤ جڤاكێ كوردی دا، پاشان ئەو چار پرتووك ب ئیمزا نڤیسەرێن وان هاتنە بەلاڤكرن، كو ئەوژی ئەڤەنە(پەیڤینا ئاڤێ دوەرزەكێ بەهیدا/ موحس عەبدولرەحمان) و (هێكا زێرێن، وەرگێڕان ژ ئنگلیزی حەكیم عەبدوللا) و (ژیانا پەرلەمانی ل ئیرانێ 1926/1941 سەلوا محەمەد نهێلی) و (خەملا ژینگەهێ، رەمەزان ئیسماعیل گەرگۆهی) و ل دووماهیێ دو گەنجێن چالاكڤان دوارێ رەوشەنبیریا پاراستنا ژینگەهێ دا هاتنە خەلاتكرن.
