ناڤەندا دهۆك یا ئافرەتان گەشتەك بۆ 250 ئافرەتان ئەنجام دا
رێژین نهێلی:
د چوارچوڤێ كار و چالاكیێن ب هەلكەفتا ساخكرنا بیرەوەریا شۆڕەشا گولانا پێشكەفتنخواز هاتینە كرن، ناڤەندا دهۆك یا ئێكەتیا ئافرەتێن كوردستانێ، ل ژێر چاڤدێریا د. عەلی تەتەر، پارێزگارێ دهۆكێ گەشتەكا ئێك رۆژی بۆ 250 ئافرەتێن سنۆرێ ناڤەندا دهۆك یا ئافرەتان سازكر.
خەلات جەمال، بەرپرسا ناڤەندا دهۆك یا ئافرەتان بەحسی گرنگی و مەرەما ڤێ گەشتێ د ڤێ بیروەریا مەزن دا كر، پاشی چار سمینارێن جودا بۆ بەرهەڤبوویان هاتنە پێشكێشكرن و تێدا بەحسی رۆلێ ئافرەتا كورد د شۆڕەشا گولانێ دا خوراگریا وێ هاتە كرن، هەر ژ بەر ئازایەتیا ئافرەتا كورد رێكخراوا ئێكەتیا ئافرەتان ل سەر دەستێ سەركردێ روحی یێ نەتەوا كورد هاتە دامەزراندن.
دیسا وەكو ئەڤرۆ دهێتە دیتن، ل سەر ئاستێ سیاسی و حزبی و حكومی و رێكخراوەیی ئافرەتێ شیایە جهێ خوە د كار و خزمەتكرنێ ل ڤان جهان بكەت و ب ئازادی و هشیاری و سەركەفتیانە كارێ خوە بكەت.
