نشتەرگەریەك بۆ چاڤەكێ (عەبۆ)ی هاتە كرن
شاكر ئەتروشی:
بەری حەفتیەكێ ل نەخۆشخانەیەكا باژێرێ ئۆرمیێ ل رۆژهەلاتێ كوردستانێ، نشتەرگەریەك بۆ چاڤێ هونەرمەند (عەبدولسەلام سلێمان) بەرنیاس ب (عەبۆ) هاتە كرن و پشتی هەیڤەكا دی دێ نشتەرگەری بۆ چاڤێ دی ژی هێتە كرن.
عەبۆی بۆ رۆژنامەیا ئەڤرۆ گۆت: ژ ئەنجامێ نەخۆشیا شەكرێ كو بەری چەندین سالان هات بوو من، بەری چار سالان ئەز تووشی نەخۆشیا خوین بەربوونێ ل سەر تۆرا چاڤان بووم، ژوی دەمی هەتا نوكە من سەرەدانا هژمارەكا زۆرا نۆشدارێن چاڤان دا ل دهۆك و هەولێرێ و ب دەهان جاران چاڤێن من لیزەر دكرن و دەرزینك لێ ددان، لێ رۆژ بۆ رۆژێ سیناهیا وان كێم دبوو هەموو تشت ل بەر چاڤێن من شێلی دبوو، لەورا ل حەفتیا دی ئەز چوومە وەلاتێ ئیرانێ و ل باژێرێ ئۆرمیێ نشتەرگەریەك بۆ چاڤێ من یێ چەپێ هاتە كرن و نۆشداری یێ گۆتیە من هەیڤا بهێت وەرە دێ نشتەرگەریێ بۆ چاڤێ تە یێ دی ژی كەم و ئەز سوپاسیا وان هەموو كەسان كەم یێن پرسیارا رەوشا من كرین و سوپاس بۆ هەر كەس و لایەنەكێ هاریكاریا من كرین.
