نموونەیێن خوینێ ژ كەسوكارێن قوربانیێن جینۆسایدا شنگالێ دێ هێنـە وەرگرتن
دهوك، لەزگین جوقی:
دەستەیا ڤەكۆلین و كۆمكرنا بەلگەنامەیان ل پارێزگەها دهۆكێ راگەهاند، نموونەیێن خوینێ ژ كەسوكارێن قوربانیێن جینۆسایدا شنگالێ دێ هێنە وەرگرتن.
شاكر میرانی، ئەفسەرێ دەستەیا ڤەكۆلین و كۆمكرنا بەلگەنامەیان ل پارێزگەها دهۆكێ بۆ ئەڤرۆ خویا كر، هەتا نوكە 129 گۆڕێن ب كۆم و تاكە كەسی هاتینە دیتن، هێشتا 30 ژ وان نەهاتینە ڤەكرن و گۆت: «ئەو گۆڕێن هاتینە هەلدان روفاتێن د ناڤ دا بۆ نۆشداریا داد ل بەغدا هاتینە هنارتن، هەتا نوكە ب تنێ ناسنامەیێن 104 روفاتان ئاشكرا بووینە و ناسنامەیێن گەلەكان ژی هەتا نوكە ئاشكرا نەبووینە، لێ كار یێ دهێتە كرن ناسنامەیێن هەموویان بهێنە ئاشكراكرن».
