نها بەلگەیێن باشتر ژبۆ دەستنیشانکرنا تاوانان هەنە
بێوار حەمدی :
پارێزەرەکى د دیدارەکێ دا بۆ رۆژنامەیا ئەڤرۆ دیار کر کو د بەرێدا هندەک جورێن تاوانان د کێمبوون، ژبەرکو ئامرازێن پەیوەندیان نەبوون، لێ دنوکەدا ئەڤ تاوانە زێدە بووینە، بەلێ بەلگەیێن باشتر ژبۆ دەستنیشانکرنا وان هەنە.
پارێزەر د. سیامەند مزوری، دیار کر کو چ جوداهی دناڤ بەلگەیێن پێدڤی ژ بۆ دادگەهێ دبەرێ و نوکەدا نینە، بتنێ جیاوازی یا دناڤ ڕێک و ئامرازێن دەستنیشانکرنا تاوانان دا و گۆت؛ د بەرێدا هندەک جورێن تاوانان د کێمبون، ژبەرکو ئامرازێن پەیوەندیان نەبون، لێ دنوکەدا تاوان زێدە بوینە، لێ دگەل پێشکەفتنێ بەلگەیێن باشتر ژبۆ دەستنیشانکرنا تاوانان هەنە.
پارێزەری، د بەردەوامیا ئاخفتنێن خۆدا دیار کر کو ژبۆ بکارئینانا ئاخفتنێن زڤرو نەجوان دبەرێدا بەلگە دیدەڤان بتنێ بون یان دانپێدانێن تاوانباری، لێ ئەڤ جورێن تاوانان ل وی دەمی د کێم بون، ژبەرکو ئامرازێن پێدڤی یێن پەیوەندیێ لبەر دەست نەبون و گۆت؛ د نوکەدا ئەڤ تاوانێن ب ڕێیا ئامیرێن پەیوەندیێ زێدە بوینە، لێ بەلگەیێن باشتر ژ بۆ دەستنیشانکرنا وان هەنە وەکو بەڵاڤکرنێن دناڤ سوشیالێ دا، دانپێدانێن تاوانباری، دیدەڤان، نامەیێن نەجوان و ڤیدیو.
پارێزەر د. سیامەند مزوری ئەو چەندە ژی دازانین کو وێنە بتنێ نابنە بەلگە بەلکو دبنە (قەرینە) ڕامان ژی ئەوە کو ژ بەلگەی لاوازترە، لێ هەتا کو وێنە ببیتە بەلگەیەکێ بهێز پێدڤیە ئەڤ مەرجە هەبن دانپێدان، دیدەڤان، نڤیسارەک ژ بسپورێ ئەلکترونی و شاڕەزایێ IT کو ئەڤ وێنەیە نە یێ دەستکاری کریە و دێ نڤیسارەکێ پێشکێشی دادگەهێ کەت کا وێنەیێ باوەرپێکریە یان نە.
