نهێنییەكا سەیر ل پشت هنگاڤتنێن لامین یامالی یە
ناكۆكیێن مەزن دناڤبەرا یانەیا بەرشەلۆنا و فدراسیۆنا فوتبۆلا ئسپانیا پەیدابووینە پشتی پشكنینێن نۆژداری دیاربووین ستێرێ یانەیا كاتەلۆنی لامین یامال نە هنگاڤتییە بەلكو نەساخیەك هەبوویە.
ئەڤ ناكۆكییە هەر ژ گۆلانا بۆری دەستپێكربوو دەمێ ڕاهێنەرێ بەرشەلۆنا هانز فیلك گازندە ژ كادرێ ڕاهێنانێ یێ ئسپانی كری ب نەپاراستنا یامالی كو ددەمەكی دا پێدڤی ب چارەسەریێن دەستپێكی بوو، دبەرانبەردا لویس دی لافوینتی ڕاهێنەرێ ئسپانیا دوپاتكربوو ئەوان چاڤدانەكا تایبەت بۆ یامالی كرییە.
ناكۆكی بەردەوامبوون ل چریا ئێكێ یا بۆری داخواز ژ یامالی هاتە كرن بۆ هەلبژارتیێ ئسپانیا لێ بەرشەلۆنا ببوهانا هنگاڤتنێ نەهێلا پشكداربیت ئەڤچەندە بوویە جهێ دلگرانییا تایبەت پشتی ڕاپۆرتا نۆژداری دیاربوو كو یامالی نەساخییەكا هەیی دناڤبەرا هەردو چۆكێن خوە دا نەك هنگاڤتن، د ڤێ حەفتیێ دا فدراسیۆنا ئسپانی دێ بڕیارەكا توند دژی بەرشەلۆنا دانیت ژبەر ڤەشارتنا ڕاستیان.
