نهبونا كهدخودایێن وهلاتپارێز ئێكه ژ سهدهمێن پهیدابوونا كریزا دارایی
بهری نهاژی د نڤێسینهكێدا ههر ل سهر لاپهرێن رۆژنامهیا ئهڤروَ مه بهلاڤ كربوو مه گوت: ئهڤ ههرێمه ههرێمهكا سهیر و ئهنتیكهیه ههر تشت لێ بهروَڤاژی جیهانێ یه ل كێدهرێ بت ئهگهر بار دكهڤه ههموو تهڤده ملێن خوه ددنه دبنڤه ژبوَ راكرنا ڤی باری لێ بێگومان د هلگرتنا باری دا مرۆڤێن بهێز دێ پتر گرانی كهڤته سهرملێ وی ژ مرۆڤێ بێهێز، د ئهڤێ پروسێسێ ژی دا ئهڤ ههرێمه دیسان بهروَڤاژی ئهتهكێتێن ههموو جیهانێ یه یێ ژ ههموویان پتر گرانی دكهڤهته سهر ملی مرۆڤێ بێهێزه، ژبو چارهسهریا ئهو كرێزا دارایی یا بهرسینگێ ههرێما كوردستانێ گرتی ب دههان ووركشوَپ و میتینگ و جڤین و كوَر و سمینار هاتن ل دارخستن ل داویا داوی شهه د سهرێ ویرا شكاندن ئهوێ 150 هزار دینار مههانا وی و ژچاڤدێریا جڤاكی وهردگرت و ژ ههموویان پتر گرانی كهته سهرملێ وی، لێ یاكو ل پرانیا وهلاتێن جیهانێ تێ پهیڕهو كرن بهروَڤاژی ڤێ یه، ب تایبهتی دهما وهلات دكهڤته كریزان و شهران و تهنگاڤیان مرۆڤێن سهرمایهدار و كهدخوَدا خوه د هاڤێژنه دقادێدا بێی كو كهس داخوازێ ژوان بكهت یانژی حوكمهت و دهستههلات ل سهر وان بسهپینت، بهلكو بهریكانێ ل گهل ههڤ دكن ژبوَ خزمهتا پیروَز ب دیتنا من مادهم كهسانێن بازرگان و كهدخوَدا و سهرمایهدار ل كوردستانێ خوه ب سهرڤه لێنادن و باری دهێلنه ب هیڤیا ویڤه ئهوێ ههر 2 مههان جاركێ 300 هزاران وهردگرت براستی ئهڤه بابهته دڤیا ههركهسهك ل سهر راوهستت و ل پێشیا ههموویان حوكمهت، باشه ل ڤێره پرسیارهك تێته پێش ئهرێ ژ سهرهلدانا بهارا سالا 1991ێ ههتانی نها ژ دهولهت سهرێ وێ ئازادیا بازرگانی و خوه ڤهدزین ژ گوَمركان و خاترانه بهرتیلدان و بهرتیلكاریێ چهند كهس ل ڤێ ههرێما 5ملیۆنی بویونه ملیاردێر و ملیونێر؟ ئهڤ پاره هوسا بلهز و د ڤی ماوێ كورت دا ژكیڤه هات؟ ب دیتنا من یهكهمین پێنگاڤا حوكمهتێ ژبوَ دهربازبوون ژڤێ كریزێ دڤیا ژ وێ دهستپێكربا ههر سهرمایهدارهك ل گوَرهِی سهروهت و سامانێ وی رێژهیهك پاره بێش كربا چنكو ئهو ژی كورێن ڤی وهلاتینه، بدهڤهك تژی و دهنگهك بلند مرۆڤ دكارت بێژیت سهرمایهدار و بازرگان و كهدخودایێن كوردستانێ نه وهلاتپارێزن و خهما ڤی وهلاتی نه خهما وانه ئهگهر نه ههتانی نها و د ئهڤێ كریزا داری یا ئهوقاس دژوار دهستپێشخهریكا پیروَز ژ ئالیێ وان ڤه نههاتیه كرن، سهرمایهدارێن ههرێما كوردستانێ یێن هندهك پێنگاڤێن مهترسیدار دهاڤێژن نزانم ئهڤ حوكمهتا مه ل ڤان جوره بابهتان ئاگههه یانژی خوه سهرڤه لێ نادت؟ رۆژا رۆژ پاره یێ ل ڤی وهلاتی تێنه پهیداكرن ژدهرڤهی كوردستانێ وهبهرهێنان یا پێ تێته كرن ههی ههوار ئهڤه ل كیژان وهلاتێ جیهانێ دبت؛ كهرهمكن گوهێ خوه بدنه ملیاردێرێ كوردستانێ فاروقێ مهلا مستهفا د دیدارا وی یا بهری چهند رۆژهكا ل گهل كهنالێ كوردستان 24 ئهڤ بهرێزه دبێژت :(تا ئێستا چینێكی نیشتیمانپهروهری سهرمایهدار له كوردستانی عێراقدا نیه زوَربهی چینی دهولهمهندهكان له بواری بازرگانی خێرا دا نهك لهژێرخانی ولات پاره پهیدا دهكهن و لهدهرهوه موَڵكی پێ ئهكرن) بهلێ وهلاتهكێ یاسایێن دژوار بوَ ڤان جوره كاران نهبن سهرمایهدار ژی ئازادانه دێ بازرگانیا خوه ل ههرێما كوردستانێ كت و قازانجێ خوه ژی مسوَگهر كت و وهبهرهیێنانێ ژی دێ ل توركیا و قهتهرێ و ئهوروَپا و ئهمهریكا كن. ل ههموو جیهانێ حوكمهت و دهولهتان ژبوَ ههموو بوارێن ژیانێ و پهیڕهو كرنا ئهنجامدانا هندهك پروَسێسان یاسا و رێنما دهینادینه و پروَسێسا ئهنجامدانا بازرگانیێ ئێكه ژ وان پروَسێسان كو یاسا و رێنمایێن تایبهتێن خوه ههنه؛ تنێ ئهڤ ههرێمه نهبت ئهز دیسان دێ ڤهگهرم و بێژم مادهم سهرمایهدارێن ههر ب خوه تێ نهبیت بلا حوكمهت وهرگرتنا قهرا ژ سهرمایهداران بكهت و بریار ل جهێ پارێن كوره و كێم ئهندامان بهێنه كێمكرن. نهخێر بلا كهدخودا و بازرگان پارا بدن پرانیا مه ل بیره د شهرێ عێراقێ و ئیرانێدا عێراق مینا ههرێمێ و نوكه تهنگاڤژی نهببوو بهلێ رۆژانه و شاند شاند سهرمایهداران قهستا بهغدا دكرن ژبوَ بهخشینا پاره كو ناڤ لێكربو (المجهود الحربی) و پێنگاڤهك ههری سهركهفتیبوو و سهرمایهدارێ خوه تێك ژی دابا دابێژنێ ته بهری 17ی تیرمههێ چی ههبوو؟؟ ئهرێ حوكمهتا مه نكارت بێژیته ڤان سهرمایهداران بهری سهرهلدانا سالا1991ێ ته چ ههبوو؟؟
