نه‌ته‌وا كورد و جیهانا بێ وژدان
نه‌زیر چه‌مباهیڤی
كورد نه‌ته‌وه‌كا سه‌دان ساله د بن سته‌م و زۆرداریێ دا و هه‌مى جۆرێن دره‌نده‌یێ و سته‌مكاریا دوژمنان و ب هاریكاریا نه‌حه‌زێن مرۆڤایه‌تیێ یا ل گه‌ل هاتى كرین ژ لایێ داگیركرن و پارچه‌كرن و دابه‌شكرنا ئاخا وان ڤه و كه‌سایه‌تیا تاكێ كورد هه‌مى ده‌مان یا ل بن پیێن خوه داین و هه‌ولێن به‌رزه‌كرنا ناسنامه و نه‌هێلانا هه‌مى هزرێن وان یێن نه‌ته‌وى ته‌نها داكو بۆ خه‌لكێ دیار ببیت كورد نه‌ته‌وه‌كا نه پێدڤى دلۆڤانیێ یه و نه‌هه‌ژى ئازادى و ژیانێ یه و پاشڤه‌مایى یه, به‌لێ پشتى كه‌سێ كورد خوه بۆ خه‌لكێ دایه نیاسین د ئه‌ڤى چه‌رخێ تازه دا دیار كر شیانێن هه‌ین هه‌مى هه‌ول و پیلانێن دوژمنان برۆخینیت و خوه بۆ جیهانێ بده‌ته به‌رچاڤكرن كو هه‌ژى ژیانه‌كا ئازاد و سه‌ربخوه‌یه و شیانێن هه‌ین ببیته پێشكه‌فتى ترین نه‌ته‌وه د ناڤ سنۆرێن سێ درنده‌ترین و سته‌مكارترین نه‌ته‌وان دا, ده‌ستێ پێكڤه ژیان و برایه‌تیێ یێ هه‌ى بژیت ل گه‌ل هه‌مى نه‌ته‌وه‌ێن ده‌وروبه‌ر و هه‌تا یێن هه‌مى جیهانێ ژى نموونه ژى زۆرن ئه‌گه‌ر پشته‌ڤانى هه‌بیت ژلایێ نه‌ته‌وه دوست و رێكخراوێن به‌ره‌ڤانێن مافێ مرۆڤان ڤه, دێ شێم بێژم كو گه‌له‌ك جاران خه‌لكێ ده‌وروبه‌ر چابار نه‌گرتن یا ب پێكڤه‌ژیانا كه‌سێ كوردستانێ برى و دبیت و یێ مه‌نده‌هۆش بیت ب سیاسه‌تا حه‌كیمانه یا ده‌ستهه‌لاتا كوردى ل گه‌ل جیهانێ, وه‌كى من دیاركرى ل سه‌ر نموونا كو گه‌له‌ك هه‌ڤالێن بیانى یێن هه‌ین و ژ ئه‌وان هه‌ڤاله‌كێ ل وه‌لاتێ رۆمانیا دخواند دبێژت بلغاریا و رۆمانیا دبێژن باشترین كه‌سانێن سیاسى دگه‌ل جیهانێ ئه‌ڤرۆ سیاسه‌تمه‌دارێن كوردن و خۆشترین وه‌لات بۆ ئارامیێ هه‌رێما كوردستانێ یه, و د گه‌نگه‌شا تۆرا جڤاكى فێسبۆكى دا كه‌سانێن عه‌ره‌ب ل عیراقێ و ده‌وله‌تێن عه‌ره‌ب بۆ من دیاركرن كو كوردستان ده‌ڤه‌را گه‌شبین و پێشكه‌فتنێ یه, كه‌سه‌كێ خه‌لكێ دوبه‌ى من گۆتێ دوبه‌ى به‌هشتا جیهانێ یه ل رۆژهه‌لاتا ناڤین و ئه‌وى به‌رسڤا من دا و گۆت نه‌خێر ئه‌گه‌ر ئارامى په‌یدا ببیت كوردستان به‌هه‌شته ل رۆژهه‌لاتا ناڤین و پێدڤى یه ل سه‌ر تاكێ كورد رێزێ ل سه‌ركردێن خوه بگرن، چونكو هه‌ژى هندێ نه جیهانێ ب رێڤه ببه‌ن و خۆزى خواستن كه‌سانێن وه‌كى ده‌ستهه‌لاتا كوردى هه‌بان, كه‌سه‌كێ لیبى گۆت كوردستان به‌هه‌شته و ئومێدا من ئه‌وه وه‌لاتێ من ژى وه‌كى هه‌رێما كوردستانێ با و ده‌ستهه‌لاتا من وه‌كى ده‌ستهه‌لاتا كوردى با دا من هه‌ست كربا ئه‌ز مرۆڤم, ل دووڤ وان ئاماژا نموونه زۆرن كا چاوا سه‌ركردێن جیهانێ ژ مرۆڤ دوست و دوژمنان په‌سنا تاكێ كورد كرینه:
ـ هتله‌ر دگۆت: بده‌نه من له‌شكرێ كورد و چه‌كێ ئه‌لمانى دێ ئه‌ورۆپا هه‌میێ ل بن پیێن خوه خشكینم.
ـ شاه عه‌بدولعه‌زیزى دگۆت: كورد نه‌پێدڤى زه‌لامانه چونكو زه‌لامێن كوردان هه‌مى مێرخاس و خۆراگرن.
ـ فیدل كاسترۆ دگۆت: تورك له‌وچه‌نه، چونكو ده‌وله‌ته‌كا داگیركرى مله‌تێ وێ ناشكێت و لاواز نابیت.
ـ سه‌دام حسێن دگۆت: ژ هه‌ر شانه‌كا خوینا ئافره‌ته‌كا كورد مێرخاس و جانگوریه‌ك ژدایك دبیت.
ـ كێسنجرێ دگۆت: نینه و من نه‌دیتیه دژیانا خوه‌دا ركمانترین زه‌لام وه‌كى زه‌لامێن كوردان.
ئه‌ڤجا ئه‌رێ باشه ئه‌م نوكه نه پێدڤى ئێكرێزى و ئێكگرتنێ نه د ناڤـ مالا خوه یا كوردى دا, راسته مه كێموكاسى هه‌نه و هه‌مى نه‌ته‌وه و ده‌وله‌تێن جیهانێ ژ كێموكاسیان ڤاله نینن, ما نه‌به‌سه ژ پیلانێن ده‌ره‌كى ل گه‌ل مه دئێنه بكارئینان, به‌لێ ب مخابنى ڤه نوكه ناڤمالیا مه یا دئێته ژناڤبرن ژلایێ كه‌سانێن وژدانا خوه فرۆتین ڤه بۆ نه‌حه‌ز و دوژمنێن ئازادیا مه ته‌نها دا هه‌تكبرنا ناڤێ كورد ژبۆ مه‌ره‌مێن ڤه‌شارتى ل ژێر هنده‌ك درووشم و ناڤ و به‌رژه‌وه‌ندان, حاشایى جڤاتێ مه‌زن دبێژن (سه‌به ژ قه‌ومێ خوه به به‌ر ل جهێ خوه ب قه‌دره).
