نه‌ته‌وه‌یێن ئێكگرتى داخوازا چاره‌ركرنا كێشه‌یا هه‌رێما قه‌ره‌باخ دكه‌ت
ئه‌ڤرۆ نیوز:
ئه‌میندارێ گشتیێ نه‌ته‌وه‌یێن ئێكگرتى داخواز ژ ئه‌رمه‌نستانێ و ئازه‌بیجانێ كر هه‌موو شیانێن خوه بۆ چاره‌كرنا شه‌رێ چه‌كدارى ل هه‌رێما قه‌ره‌باخ بمه‌زێخن.
ستیڤان دوجاریك، په‌یڤدارێ ب ناڤێ ئه‌میندارێ گشتیێ نه‌ته‌وه‌یێن ئێكگرتى راگه‌هاند، ئه‌نتۆنیۆ گوتێرێس داخواز ژ وه‌لاتێن ئه‌رمه‌نستانێ و ئازه‌ربیجانێ كرییه گاڤێن رژد و ب نیازه‌كا پاك و بله‌ز بهاڤێژن بۆ وێ یه‌كێ شه‌رێ چه‌كدارى ل هه‌رێما قه‌ره‌باخ راگرن.
دوجاریك دلگرانیا نه‌ته‌وه‌یێن ئێكگرتى ب به‌رده‌وامبوونا شه‌رى دیار كر و راگه‌هاند، ئه‌و پشته‌ڤانیێ ل وان گاڤان دكه‌ن یێن كۆما مینسك یا گرێداى رێكخستنا ئاساییش و هه‌ڤكاریا ئه‌ورۆپا بۆ چاره‌كرنا كێشه‌یا وێ ده‌ڤه‌رێ هاڤێتین.
هه‌ژماره‌كا وه‌لاتان كار بۆ چاره‌كرنا شه‌ر و پێكدادانێن ل هه‌رێما قه‌ره‌باخ د ناڤبه‌را ئه‌رمه‌نستانێ و ئازه‌ربیجانێ دا دكه‌ن، هنده‌ك وه‌لاتان ژى مێهڤانداریا دانوستاندنان د ناڤبه‌را وه‌زیرێن ده‌رڤه‌یێن هه‌ردو وه‌لاتان كرییه و كۆمبوونا ئێكێ ژى ب سه‌رپه‌رشتییا وه‌زیرێ ده‌رڤه یێ رۆسیا بۆ ل مۆسكۆیا پایته‌خت.
