نه‌ته‌وێن ئێكگرتی گاڤه‌كا دانیماركێ ئیدانه دكه‌ت
ئه‌ڤرۆ نیوز: ڤه‌ده‌ر ره‌شاڤایی:
نه‌ته‌وێن ئێكگرتی گاڤا حكومه‌تا دانیماركێ بۆ ژێ ستاندنا زێر و زیڤ و تشتێن دی یێن بهاگران ژ په‌نابه‌رێن دچنه وی وه‌لاتی ئیدانه‌كر و بكاره‌كێ نه مرۆڤانه ل قه‌له‌م دا.
بۆ ڤێراگه‌هشتنا مه‌زاختنێن 20 هزار په‌نابه‌رێن گه‌هشتیه دانیماركێ حكومه‌تا وی وه‌لاتی بریار دایه هه‌ر مولكه‌كێ په‌نابه‌ران بهایێ وی ژ هزار و 400 دۆلاران پتر بیت، دێ ژێ هێنه ستاندن، ڤێ یه‌كێ ژی نه‌رازیبوونا چه‌ندین ئالییان و خوه‌نیشاندان لدووڤ خوه ئینان.
لدووڤ گۆتنا وه‌زیرێ كۆچبه‌ریێ یێ دانیماركێ هه‌ر كه‌سێ دڤێت ل دانیماركێ بژیت دڤێت ئه‌و بخوه ل خوه بمه‌زێخیت و خوه نه‌هێلیته هیڤیا حكومه‌تێ ڤه.
