نه‌خۆشخانه‌ك ل ناوچه‌داریا دینارته دێ هێته ئاڤاكرن
ئاكرێ، ره‌مه‌زان زه‌كه‌ریا:
رازیبوون ل سه‌ر ئاڤاكرنا نه‌خۆشخانه‌كا پێشكه‌فتی ژ جۆرێ A ل سه‌نته‌رێ ناوچه‌داریا دینارته هاته كرن و ده‌ست ب كاركرنێ دێ هێته كرن و بڕیاره د ده‌مێ 360 رۆژان دا نه‌خۆشخانه ب دووماهی بهێت.
شه‌عبان خه‌لیل به‌رواری، ده‌ڤه‌ردارێ ئاكرێ ب وه‌كاله‌ت بۆ ئه‌ڤرۆ گۆت: “ژ لایێ پارێزگارێ دهۆكێ ڤه رازیبوون ل سه‌ر ئاڤاكرنا وێ نه‌خۆشخانێ هاتیه كرن و پشتی ئه‌و خۆشخانه دهێته ته‌مامكرن، دێ مفایه‌كێ زۆر گه‌هینیته خه‌لكێ دینارته و گوندێن ده‌ردوور”.
ناڤهاتی گۆتژی: “ئه‌و نه‌خۆشخانه ب ره‌نگه‌كێ سه‌رده‌میانه دێ هێته ئاڤاكرن و هه‌موو پشك دێ تێدا هه‌بن، هه‌تا پشكا زارۆكبوونێ ژی دێ د ناڤ دا بیت، ئه‌ڤ نه‌خۆشخانه ب گوژمێ ملیاره‌ك و 28 ملیۆن و 698 هزار دیناران دێ هێته ئاڤاكرن”.
