نه‌خۆشخانه‌یا چاره‌سه‌ریێن په‌نجه‌شێرێ ل دهۆكێ دێ هێته دانان
ئه‌ڤرۆ:
بڕیاره نه‌خۆشخانه‌یه‌كا تایبه‌ت ب په‌نجه‌شێرێ ڤه ل دهۆكێ بهێته دانان و بۆ ڤێ مه‌ره‌مێ ژی به‌رهه‌ڤی دهێنه كرن.
د. عه‌لی ته‌ته‌ر، پارێزگارێ دهۆكێ ب به‌رهه‌ڤبوونا رێڤه‌به‌رێ گشتی یێ ساخله‌میا پارێزگه‌ها دهۆكێ، پێشوازی ل شانده‌كێ رێڤه‌به‌رێن گشتی ل سه‌رۆكاتیا دیوانا جڤاتا وه‌زیران و رێڤه‌به‌رێ سندۆقا پشته‌ڤانیا په‌نجه‌شێرێ ل هه‌رێما كوردستانێ كر.
د هه‌ڤدیتنه‌كێ دا باس ل دانانا نه‌خۆشخانا چاره‌سه‌ریێن په‌نجه‌شێرێ ل دهۆكێ هاته كرن و پێشنیارێن پێدڤی بۆ دانانا نه‌خۆشخانێ دانوستاندن ل سه‌ر هاته كرن.
