نه‌خۆشیێن ڤه‌گر كه‌نگی جهێ ترسێ نه؟
ئه‌ڤرۆ، به‌رپه‌رێ ساخله‌میێ:
نه‌خۆشیێن ڤه‌گر هنده‌ك ته‌نگه‌زارینه ژ ئه‌گه‌رێ هنده‌ك زینده‌وه‌رێن هوور په‌یدادبن، وه‌كو به‌كتریا، ڤایرۆس و مشه‌خور، گه‌له‌ك ژوان ل ناڤ یان ل سه‌ر له‌شێ مه دژین، هنده‌ك ژوان زیانبه‌خشن و ل هنده‌ك كاودانێن تایبه‌ت دبنه ئه‌گه‌رێ نه‌خۆشیان.
ره‌نگه هنده‌ك ژوان ژ كه‌سه‌كێ نه‌ساخ بو ئێكێ ساخله‌م بهێنه ڤه‌گوهاستن، هنده‌ك ب رێیا كێزكا یان هنده‌ك گیانه‌وه‌رێن دیتر دهێنه ڤه‌گوهاستن، هنده‌ك ژی دبیت ژ ئه‌نجامێ خوارنێ و ڤه‌خوارنا پیس یان زینده‌وه‌رێن هوور دناڤ ژینگه‌هێ دا په‌یدادبن.
نیشان و به‌رژه‌نگێن وان ژێك دهێنه گوهورین ل دووڤ زینده‌وه‌رێ بوویه ئه‌گه‌ر دمینیت، به‌لێ پتریا جاران (تا و گێژبوون) دگه‌لدانه و هنده‌ك ژێ ب بێهنڤه‌دانێ و چاره‌سه‌ریێن ناڤمالێ چاره‌سه‌ردبن و هنده‌ك جور ژی ب مه‌ترسینه و دخوان تووشبووی ب له‌ز قه‌ستا نه‌خۆشخانێ بكه‌ت.
هنده‌ك نه‌خۆشیێن ڤه‌گر وه‌كو، سۆرك، خوریك دشیاندایه نه‌هێلین ب رێیا ڤاكسیندانێ، هه‌روه‌سا ده‌ستشووشتن ژی رێیه‌كه بو پاراستنا مرۆڤی ژ وان نه‌خۆشیێن ڤه‌گر.
نیشانێن نه‌خۆشیێن ڤه‌گر د جودانه ژ نه‌خۆشیه‌كێ بو ئێكا دیتر، نیشانێن وێ یێن گشتی و هه‌ڤپشك پێك دهێن ژ ( تا، زكچوون، وه‌ستیان، ئێشانا زه‌ڤله‌كان و كوخك).
كه‌نگی دڤێت تووشبووی سه‌ره‌دانا نۆشداری بكه‌ت؟
هه‌كه هات و ئه‌ڤ چه‌نده ل ده‌ڤ ته هه‌بن پێدڤیه سه‌ره‌دانا نۆشداری و نه‌خوشخانێ بكه‌ی ( له‌قدانا گیانه‌وه‌را، بێهنته‌نگی، كوخك بو ده‌مێ پتری حه‌فتیه‌كی، سه‌رئێشانه‌كا دژوار دگه‌ل تایێ، لیرێن پیستی، تایێن بێ ئه‌گه‌ر و دومدرێژ، ئاریشه‌كا ژ نشكه‌كێڤه د چاڤان دا).
