نه‌خێر بۆ كوردستانا مه‌زن!! نه خێر بۆ خوینستانا كوردان!
كورت و كورمانج..كوردستانا مه‌زن دروست ببیت ئه‌ز ب خوه دێ زڤرمه عیراقه‌تیا خوه و ل گه‌ل عه‌ره‌بێن عیراقێ ژیم ودێ داخوازا لێبۆرینێ ژێ خوازم و ئه‌زێ په‌شێمانم من دگۆت ئه ز نه عیراقیمه و ژ ئه‌ڤرۆ وێڤه ئه‌ز عیراقی مه و هه‌كه هه‌وه بڤێت دێ ناڤێ خوه یێ كوردی ژی گوهۆرم و تنێ ب عه‌ره‌بی ئاخڤم و زارۆیێن خوه ژی پیچ پیچه ژ كوردینیێ دوورئێخم و دێ ناڤێن وانژی یێن كوردی ژی كه‌مه عه‌ره‌بی..جارێ ب خوینن و كه‌سێ ژ هه‌وه خوه ل سه‌ر سه‌رێ من نه‌كه ته مرۆڤه‌كێ كوردپه‌روه‌ر و وه‌فادار بۆ كوردینیێ و مه ب خاین ل قه‌له‌م بده‌ت، چونكی ما شاللا نوكه مه هنده‌ك یێن هه‌یین ل كوردستانا مه ئازادكری هند خوه ب شنگارێ و ئێزدیان و سه‌روبه‌رێ مه ل گه‌ل به‌غدایێ مژوول نه‌كریه هندی خوه ب كۆبانێ و په‌یه‌دێ و په‌كه‌كێ و ئۆجه‌لانی ڤه مژوولكری؟! كوڕۆ بابۆ دێ كا دا جارێ ئه م چاره‌یه‌كێ ل خوه بكه‌ین، پاشی یێن خه‌لكه‌كێ دی چاره بكه‌ین!!هێشتا مه چ ژ شنگارێ چێنه‌كریه و یا د ده‌ستێن داعش دا ئه‌م یێن به‌حسێ هندێ دكه‌ین هێزێن پێشمه‌رگه‌ی فرێبكه‌ینه كۆبانێ!! خه‌لكێ دهۆكێ چ نه مایه دێ دهۆكێ بۆ ئاواره و ده‌ربه‌ده‌ران به‌رده‌ت و ئه‌م یێن ماینه ب ده‌ڤ و لێڤێن ئێكودو ڤه ل دهۆكێ و هه‌ڤلێرێ و سلێمانیێ؟؟ مه ئاواره ژی ل سه‌رسه‌رێ خوه كرنه ئه‌بۆ عه‌نته‌ر؟ والله ئه م دمسته‌حه‌قی!! دێ پا بلا ئێكێ كوردستانا مه ب وێریت ل ئامه‌دێ به حسێ په‌كه‌كێ و ئۆجه‌لانی بكه‌ت، كا دێ چ لێكه‌ن!! والله كا چاوا په‌یامنێرێ روداوو دا به‌ر كێركان و ئه‌فسه‌رێ مه قوتا!! دێ وی سه‌رژێكه ن؟؟ ئه‌ز دبێژم هه‌تا ڤێره و بلا به‌س بیت ئه‌م به‌حسێ كوردستانا مه‌زن بكه‌ین! هێشتا پارتی و ئێكه‌تیێ و گورانێ دلێن وان ل گه‌ل ئێك د سافی نینن، هوون بێژن دێ چاوا ئه‌م و په‌كه‌كه و یێن دی یێن بسه‌ر وێڤه قه‌تینین! والله دێ كوردستانا مه‌زن (خودێ نه‌كه‌ت دروست ببیت) ناڤێ وێ بیته خوینستان!! چونكی مه بڤێت نه‌ڤێت دێ ئه‌و كوردستانا مه‌زن كه‌ڤیته د ده‌ستێن په‌كه‌كێ دا، چ ب خۆشی (ده‌نگدانێ) یان ب نه‌خۆشی(شه‌ڕی) چونكی ئه و ژ مه هه‌میان پترن و ئه‌ڤه راستیه‌كه دڤێت بزانین؟ب خودێ پاشی ئه‌م خه‌لكێ كوردستانا ئازادكری (ئێدی نابێژمێ باشۆر و باكۆر و رۆژئاڤا و رۆهه‌لات) كوردستانا مه و كوردستانا وان..ئه‌ڤه سه‌رێ چه‌ند سالانه هێشتا ئه‌م رێكنه‌كه‌فتینه ئالایه‌كی بۆ خو بهه‌لبژێرین، ڤێجا چاوا دێ شێین ناڤه‌كی بۆ له شكرێ خوه دانین؟؟ چونكی نه پێشمه‌رگه دبیته گه‌ریلا و نه گه‌ریلا دبیته پێشمه‌رگه!! ئه‌ڤه راستیه‌كه و بلا كه‌س چ كولاڤان نه‌كه‌ته سه‌رێ مه و بێژیت دێ چێبیت؟! سه‌ر وی گوهی نه نڤن برایان!! ب خودێ دێ ل شوونا ناڤێ كوردستان كه‌ینه خوینستان و دێ ڤێجا ئه‌م دێ خوه هاڤێینه ناڤ مالا ده‌وله‌ته‌كێ و یێن دی خوه هاڤێنه ناڤ مالا ده‌وله‌ته‌كا دی به‌س دا ئێكودو ژ ناڤببه‌ین؟! ئه‌ڤجا سه‌رێ نه ئێشیت هه‌وجه‌ی چ ده‌رسۆكا نینه؟ ئه‌و ل مالا خوه و ئه‌م ل مالا خوه و ئه‌م وه‌كو هه‌ر چار پارێزگه‌هێن كوردستانا ئازادكری دا ناڤ مالا خوه خۆش بكه‌ین، چونكی مه گه‌له‌ك نه‌خۆشیێن دیتین و پیچه‌كێ بۆ خوه ب ئاقل بكه‌ڤین؟ بلا دێ پشته‌ڤانیا كوردێن پارچێن دی كه‌ین به‌لێ پا نه دچینه كوردستانا وان و نه بلا ئه‌و بهێنه كوردستانا مه؟ هه‌ر ئێك بلا ل كوردستانا خوه خه‌باتا خوه بكه‌ت و ملله‌تێ خوه برێڤه‌ببه‌ت وه‌كو وی دڤێت..هنده‌كا نه‌خشێ كوردستانا مه‌زن یێ كریه مه‌دالی و رستك و یێ ب ستویێ خوه‌ڤه هه‌لاویستی؟ دێ بلا ما چ قه‌یدی یه..ئه‌فریقی ژی نه خشێ ئه فریقیا ل سه‌ر ده ستێن خوه دنه خشینن وب ستویێ خو ڤه دكه ن به لێ پا ئه فریقیا نێزیكی پێنچی و چار وه لاتن و رۆژه كێ من نه‌دیتیه ئێكێ نێجیری بێژیت ئه‌ڤێ سینگالی برایێ منه؟! به‌لجیكا وسویسرا و چه‌ند وه‌لاتێن دی یێن ئورۆپی زمانێ خوه یێ تایبه‌ت نینه، ئالمانی وهوله ندی و فه‌ره نسی دئاخڤن، من هێشتا نه دیتی یه ئێكێ هۆله‌ندی گۆتی ئه‌ڤ به‌لجیكیه برایێ منه؟ بۆچی ئه مانیا نابێژیت دڤێت ئه‌لمانیا مه‌زن دروست بكه‌ین چونكی زۆربه‌ی زۆری سویسریا ئه‌لمانی دئاخڤن و نمساوی ژی ئێك ژ زاراڤێن ئلمانی یه؟! ڤێجا دێ بۆچی ئه م كورد ب تنێ به‌رژه‌وه‌ندیا خوه نزانین و بێژینه هه‌می كوردام برایێن مه‌نه؟ ماچیه هه‌كه مه گۆت هه‌ڤالێ مه یه؟ما برا دڤێت ژ همان مالێ بیت؟ ئێ و الله خوه كلتورێ مه ژی وه كو یێن پارچێن دی نینه!! نوكه ئه‌م وه‌كو كوردستانا ئازاد پیچه‌كێ یێن ب پاره كه‌فتین ڤێجا هه‌ڤالێن مه یێن كوردێن دی یێ قه‌ستا مه دكه ن و هه‌كه پارتی ب دووڤ دلێ وان نه‌كر ئێكه‌تی هیڤیان دكه‌ت، ئێكه‌تی نه‌كه‌ت دێ گوران دۆركان ده‌ت؟ گرران نه‌كه‌ت دێ دوو رۆژی ونڤێژان كه‌ن و پارتێن مه یێن ئیسلامی سه‌ردا به‌ن، چونكی ل ده‌ف وان هه‌ما یێ رۆژی و نڤێژان بكه‌ت ئه‌و مرۆڤه‌كێ پاقژ و راست و دروسته و یێن دی هه‌می دبێ دین و دبێ ئیمانن وچ ئه‌خلاقێن مرۆڤاتیێ ل ده‌ف وان نینه چونكی پیڤه‌رێ وان بۆ مرۆڤاتیێ رۆژی و نڤێژن (نوكه ئه‌ز ل ده‌ف وان ب چ ناچم چونكی نه رۆژی نه و نه نڤێژن و نابن ژی خودێ حه‌ز بكه‌ت)!! دێ ڤێجا وه‌رن من تێبگه‌هینن كا دێ چاوا شێین كوردستانا مه‌زن برێڤه‌به‌ین؟؟ ب خودێ مه برێڤه نه‌بر ودێ هه‌رۆ فه‌رمان بیت ل سه‌ر سه‌رێ كوردستانا مه یا ئازاد، ئه‌وا مه ب خوینا هزاران شه‌هیدا ئازادكری، نه وه ك هه‌ڤالێن مه یێن دی ئه‌وێن هێشتا ئێك گوند رزگارنه‌كری و دڤێت حوكمی ل مه بكه‌ن؟ به‌لێ پا نه سویچێن وانن؟ سویچێن سه‌ركردێن مه یێن سیاسی نه ئه‌وێن هێشتا ژ دل ده‌ستێن خوه نه كریه د ده‌ستێن ئێك دا؟ تنێ بۆ پاره‌ی ئه شه‌هد و بلا دبنه ئیك، ئه‌و ژی ده‌مێ ل خوی به‌لاڤ دكه‌ن نه‌ك بۆ ملله‌تی!! ئه‌ڤجا وه‌رن دا ڤێ قه‌وانا كوردستانا مه‌زن ژ زڤرینێ براوه ستینین و ب هه‌می وێره‌كی بێژین نه خێر بۆ كوردستانا مه‌زن، چونكی من ب خوه نه‌ڤێت ئه‌ز دره‌وان ل كه‌سێ بكه‌م، ئه‌زێ راستگۆمه ل گه ل هه‌میان و ب خودێ سه‌ركردێن مه ژ من چێتر دزانن كو هه‌كه كوردستانا مه‌زن دروست بوو، ئه‌و ژی وه‌كی مه دێ بنه وه‌لاتیێن نۆرمال ودبێ ده‌ستهه‌لات چونكی كا ئێك ملیۆن ده‌نگان ببه‌ت و كا ئێك ١٥ ملیۆن ده نگان ببه‌ت؟ ده‌نگێن مه دێ بۆ ئێكه‌تی و پارتی و گوران و ئێكگرتوو بن و یێن وان دێ هه‌می بۆ په‌كه‌كێ بن؟ كا بلا كوردستانا مه‌زن دروست ببیت و سه‌ركردێن مه خوه ل به‌رامبه‌ر سه‌لاحه‌دین ده‌میرتاشی بۆ نموونه بهه‌لبژێرن، باوه‌ر بكه‌ن دێ كه‌سر ده‌ركه‌ڤین و خوه باژێرڤانیێن سێمێلێ و خانه‌قین و عه‌ربه‌ت ژی بۆ مه نامینن!! ڤێجا بلا ژ ڤێ خه‌ونێ هشیار بین وب عاتیفێ و ره‌حمێ نه‌به‌رێ خوه ده‌ینه بابه‌تان؟ بلا دووربین بین نه‌ك هزرا رۆژێ ب تنێ بكه‌ین؟!ما ب هزرا هه‌وه وه‌لاتێن كه‌نداڤی نه‌شێن خوه بكه‌نه ئێك؟ ئێك كلتوور و ئێك زمان و به‌رێ هه‌می ژی ئێك بوون و ل بیابانێ پێخاس پێكڤه پیاسه دكرن؟ به‌لێ پا خو هزرا راگه‌هاندنا وه‌لاتێ كه‌نداڤێ مه‌زن نه‌كریه و من باوه‌ره ناكه‌ن ژی چونكی هه‌می دزانن هه‌كه دروست بوو ئه‌ڤه سعوودیێ دێ هه‌ی و نه‌یی بیت، چونكی ژ هه‌میان مه‌زنتره و دێ ده‌ستهه‌لات هه‌ر د ده ستێ وێ دابیت هه‌كه ببیته گه‌را سندوقێن ده‌نگدانێ یان هه‌تا ته‌عدایێ؟؟ مالا وه هه‌تا مه وه‌زاره‌تا پێشمه‌رگان ل كوردستانا خوه كریه ئێك سال پێڤه‌چوون؟! ڤێجا ب هزرا هه‌وه دێ چاوا ئاپۆچیه‌ك هێلیت ئه‌م ل خۆنیشادانه‌كێ وێنێ مام جه‌لالی یان كاك مه‌سعودی بلند كه‌ین؟ ب خودێ دێ مه ده‌نه‌به‌ر بۆكسان و پێهنان و دێ بێژن نابیت ژ وێنێ ئاپۆی زێده‌تر و ئالایێ په‌كه‌كێ زێده‌تر بهێته بلندكرن! ئه‌م ژی دێ خوه مت كه‌ین و سه‌رێ خوه شۆر كه‌ین چونكی نوكه ل ئۆرۆپا ئه م وه‌كو ئێكه‌تی و پارتی و گۆڕان نه‌وێرین وێنێن سه‌رۆك و لایه‌نێن خوه یێن سیاسی د خۆنیشادانێن ل گه‌ل وان دا بلند بكه‌ین؟ چونكی هه‌كه مه بلندكرن دڤێت ئه‌م نه مینینه ب خۆنێشادنێ ڤه هندی دێ مینینه ب شه‌ری ڤه و خوه كه‌ینه سینه‌ما به‌رامبه‌ر خه‌لكه‌كی ئه‌وێن دێ ب مه كه‌نه‌كه‌نی و بێژن ب خودێ هوون نه هه‌ژی چ وه‌لاتانه ب ناڤێ كوردستانا مه‌زن !!
