نه‌شێت بێ من بژيت و رازى نابيت بۆ خوه بينم
گەنجەکێ ٢٣ سالی دلێ خوە بۆ رۆژناما ئەڤرو ڤەدکەت و دبێژیت: ئەز ل قوناغا ١٢ ئامادەیمە لێ دەرەکی دخوینم ئەڤە بو ماوێ سێ سالایە ئەز حەز ژ کچ ماما خوە دکەم دەستپێکا پەیوەندیا مە بەری سێ سالا بوو، مالا مە و یا وان چ پەیوەندی دگەل ئێک نەبون و ئەم دگەل ئێک نە دئاخفتن سەرا کێشەیەکا جڤاکی و پاشی ئەڤ کێشە چارەسەر بوو، پەیوەندیێن مە موکم بوون من گوتە کچ ماما خوە من تو دڤێی ئەوێ گەلەک پسیار ژ من کرن کا بوچی من ئەو ھەلبژارت و ژ کەنگی وەرە ئەز حەز ژێ دکەم و … ئەو رازی نەبوو ل سەر ڤێ چەندێ و من ژی چ نەگوت لێ ھەر دلێ من ل سەر ھەبوو روژانە پەیوەندیێن مە بھێزتر لێ دھاتن هه‌تا گەھشتینە ڤی رادەی کو ئەز و ئەو بێی ئێک نەژین و مالا وان ھەموو دزانن ئەو دبێژیت ئەڤینی نینە ب تنێ ئەم فێری ئێک بووین لەوا ئەم بێی ئێک ناژین من گەلەک جارا داخواز بۆ ئەڤینیێ ژێ کریە و ئەو رازی نەبوویە و نھێنیێن خوە مالا خوە ئەم بو ئێک دبێژین و هه‌تا نھا ژی روژانە ئەم دگەل ئێک دئاخڤین ئەو دبێژیت چ جارا خوە ژ من دوور نەکە و ئەز ژی بێی وێ ناژیم ئەڤجا نزا چ بکەم ھیڤیە ھون بێژن چارە چیە ؟
گەنجێ ھێژا:
گەلەک جارا کێشە پەیدا دبن د ناڤبەرا ئەندامێن ھەر خێزانەکێ د جڤاکێ مە دا ژ ئەگەرێن جورا و جور نەخاسمە یێن گرێدای ب ژنان ڤە و پاشی بێ گومان ھەر نێزیک بونە ژبەر باشترین چارەسەری یە، بەلێ ئەڤ چەندە کارتێکرنێ ل سەر دەروونی یا ھەی و ئەڤ ئاریشە ب بورینا دەمی دچنە د ناڤ لایێ نەھەستیاری و دبیتە فاکتەرەکێ گڤاشتنێ ل سەر دیتنێن وان و بەرەڤاژی دبیت ل سەر رەفتارێ و رێکێت سەرەدەریا وان د گەل بابەتێن ژیانی . ئەو جورێن پسیارا وێ وێ چەندێ دگەھینیت کو ئەو تشتێ مە ئاماژە پێدای ل سەری دڤەگەریتە وان ھزرێن کەڤن و رزگار کرن ژ وان ئەڤ نزیک بوونە یا چێبوی بەلێ ترس ژ دوبارەکرنا وان لەوما ئەڤ دودلی یە یاھەی و باشترە روون و ئەشکەرا بن ل گەل ئێک و باوەری بلا یا زال بیت ل سەر پەیوەندیێن ھەوە و ل ماوێ بھێت دێ ژکارتێکرنا کەڤن ل سەر نامینیت . باشترین رێک بو پتر نزیک بونا ھەردو خێزانا ئەڤ کارەیە ( پێکئینانا ) خێزانێ یە و ئەڤ چەندە پەیوەندیا بھێز وموکم لێ دکەت.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123